山本屋 (圍方)

營業中

休息中

講真，自己喺屋企淥個麵都好食啲，唔值得排咁耐。日本山本屋其實評價都唔高，唔明點解人氣高漲到咁，隊排到咁長。由於啲麵係手擀嘅，啲麵大小粗幼參差不齊，睇落去好難受，食落去都係。可能有啲人有可能鍾意食，就見仁見智啦。麵湯好濃，有啲太鹹，食兩啖就要飲水。不過小食嘅雞翼都算可圈可點，皮脆肉嫩。唯一問題就係定價同主打嘅烏冬嘅味道。總括來講，完全唔值得嘥時間同錢食呢間嘢，敗筆就係佢哋連主打嘅烏冬嘅味道都未整好。