東京魚市場

營業中

休息中

住青衣嘅朋生日指明要食日本菜，喺OP搵咗近青衣、荃灣地區嘅餐廳，搵搵下發現有間工廈嘅日本菜，根據我喺工廈搵食嘅經驗，喺工廈開得嘅餐廳都係好嘢嚟，於是就約朋友嚟東京魚市場試吓。呢度嘅晚市可以選擇Omakase或者散叫，朋友就揀咗Omakase睇吓有咩驚喜，最後揀咗個二人前晚餐A。頭盤雞泡魚乾+枝豆+日本生蠔雞泡魚乾明顯有即烤焗，上枱時仲係熱焫焫。枝豆都係暖笠笠日本生蠔好特別，額外加咗檸檬汁嘅珠珠，入口將蠔嘅鮮味提升。壽司四款包括：帶子、海膽、中拖羅、鯛魚帶子入口嫩滑口感；海膽啖啖海水味，一D都唔腥；中拖羅魚油味道甘香；鯛魚口感軟熟，魚皮&魚肉同樣鮮味。串燒四款包括：燒雞皮、墨魚咀、雞翼及燒元貝雞皮燒到好似薯片咁香脆；墨魚咀爽口彈牙；雞翼外脆內軟；元貝啖啖肉之餘亦好香牛油味！燒銀雪魚皮脆肉嫩滑刺身拼盤款式多，包括中拖羅、油甘魚、牡丹蝦、赤貝、象拔蚌、冰螺、帶子、北寄貝。食埋個豬滑濃湯烏冬，烏冬口感滑滑，湯底超濃郁。最後食埋個四色雪糕，大滿足。