泓・西日料理

營業中

休息中

一向都好喜歡行舊區，因為而家成日都可以係舊區發掘到更多新奇又難得既新店。比起大商場，舊街小巷既店舖更有人情味同用心。 今日係大圍行下行下，真係冇令人失望，除左老店，發現左更多好靚又特色既小店。 今晚就試下呢間泓•西日料理。 個名本身就好吸引，而且離港鐵站都唔係好遠。 入到去係一間居酒屋既設計，好有日本小街既風格。 坐底店員都好有禮咁介紹食物。 簡左2個主食，店員再介紹左2款串燒。 首先係雞皮串燒，黎到冇諗過咁大串，因平時見既一般都會縮到好細，佢竟然有咁大串，燒得好脆好好味。 仲有就係牛舌芯串燒，燒得好爽嫩，唔會好硬咬唔到。 師傅手勢好好。而主食就有汁煮牛舌鍋，呢道係以前係東京食過，香港都係第一次見有得食。 佢有埋白紅蘿蔔，超甜，而牛舌都好大件，煮得好諗，而且冇諗過有咁多。 睇落雖似牛腩，但食落真係好唔同。 然後仲有佢地幾出名既日式炒烏冬。 佢煮得有啲似鐵板燒，烏冬夠嫩滑，配埋焦香既煙肉，果然美味。 今餐真係好豐富。