喜記避風塘炒辣蟹 (謝斐道)

營業中

休息中

同老公兩個人都中意食蟹，黎呢度就岩晒，試佢地既2人餐，超豐富！招牌避風塘炒辣蟹❤️呢個必食啦，隻蟹好大隻，仲要果蟹蓋好多膏啊，啲蟹膏好濃香好鮮味，除咗有蟹膏都真係有好多蟹肉，食得好爽，又夠晒辣！椒鹽特大瀨尿蝦💛估唔到瀨尿蝦都有膏，好鮮味呀！有膏嘅瀨尿蝦特別好食，特別鮮味，再加埋一疏疏嘅瀨尿蝦肉亦都係好彈牙，撈埋啲炸蒜一齊食，真係好正！椒鹽焗魷魚🧡魷魚好爽口，用焗嘅方法都會整得好脆，但係又冇炸出嚟咁熱氣，都唔會太油膩，魷魚好彈牙，椒鹽去整嘅話就真係好惹味，正爆！辣酒煮花螺❤️‍🔥花螺粒粒都好大粒，吸收晒辣酒嘅味道，又辣又會食到酒嘅香醇味，花螺好q彈好爽口，辣得黎真係好過癮，好好食！涼瓜牛肉💚涼瓜牛肉都係新鮮炒起，涼瓜同牛肉都係啱啱熟，涼瓜好爽口，唔會剩係得苦澀味，有少少甜，牛肉就好柔嫩，肉質好好，豉椒味好重，好食！