銀座炎蔵燒肉

營業中

休息中

餐廳環境充滿日本和式氣氛，每個座位都有獨特花式既屏風隔開，有一定私隱度。餐廳所用的牛肉全部都經嚴選既日本產和牛，質素有保證。店員時刻留意客人需要，經常幫手更換燒焦既烤爐盤和在盤上加食用油，為客人加茶等。午市定食價錢大約一百至二百幾左右，均配漬物、沙律、湯及日本米飯。和牛西冷大判燒＆赤身定食和牛西冷色澤粉嫩，油脂分佈相當多，可以請專人幫手燒，有提供大蔥配搭食用，平衡番個油膩感，油香味齒頰留香，口感細膩醇厚，入口即化，必選推薦。黑毛和牛.北海道豚.日本產雞盛合定食和肉肋肉牛肉味濃郁，口感煙韌彈牙，食落美味多汁，燒既時候可留意一段時間待油份流出才翻面，防止痴盤之餘，亦可較易燒出網狀，特別香濃郁味。白桃乳酸梳打 & 巨峰提子乳酸梳打乳酸味酸酸甜甜，感覺特別開胃。沖繩海鹽雪糕咸味和甜味配搭意外夾，海鹽將甜味更加凸出。日本產柚子雪糕柚子粒融入雪糕，味道清新。