影片
更多
2021-09-06
95 瀏覽
成日食世界各地唔同嘅菜式，今日呢餐午餐一於返璞歸真，支持吓本地嘅冰室！P.S. 佢仲要係播本地流行曲，啱晒鏡粉同埋其他粉絲呀！香濃沙嗲牛肉麵 配嫩滑炒蛋及自家製精選麵包⭐⭐⭐⭐⭐先講呢度嘅沙嗲牛肉麵。對比另外兩大出名嘅沙嗲牛肉麵，呢度嘅出品一啲都唔失禮。沙嗲汁非常之香濃，更加食得到花生粒。牛肉嘅份量非常之好多，質感同埋味道上都係一流。同行嘅炒蛋嫩滑冇過熟，牛奶餐包鬆軟帶香濃牛奶味。三者嘅配搭，完全做到港式早餐嘅榜樣！招牌瑞士汁炒牛河⭐⭐⭐⭐一開始以為只係普通嘅乾炒牛河，換個瑞士汁「換湯唔換藥」就算。點知侍應一拎上枱嘅時候，瑞士汁嘅香味就撲鼻而來。值得一讚係河粉同啲瑞士汁做到融為一體，唔單止唔會食少少就覺得油膩，反而甜絲絲嘅味道令人食唔停口。極度懷疑呢間冰室嘅牛肉係唔使錢嘅，當中嘅牛肉係多到食極都仲有， 完全值回票價。凍咖啡 & 紅豆冰⭐⭐⭐⭐去冰室飲凍奶茶就好似指定動作，但係今日叫錯咗凍咖啡，點知換嚟一個驚喜呢度嘅凍咖啡 飲得出佢唔係普通貨式，而係真係有即磨咖啡香嘅味道。既唔會有一般嘅苦味，取而代之係一種真正嘅咖啡香。再嚟就有紅豆冰。奶同紅豆嘅份量啱啱好，冰又唔會過多正正就係我想要嘅港
今日呢餐午餐一於返璞歸真，支持吓本地嘅冰室！
P.S. 佢仲要係播本地流行曲，啱晒鏡粉同埋其他粉絲呀！
香濃沙嗲牛肉麵 配嫩滑炒蛋及自家製精選麵包
⭐⭐⭐⭐⭐
先講呢度嘅沙嗲牛肉麵。
對比另外兩大出名嘅沙嗲牛肉麵，呢度嘅出品一啲都唔失禮。
沙嗲汁非常之香濃，更加食得到花生粒。
牛肉嘅份量非常之好多，質感同埋味道上都係一流。
同行嘅炒蛋嫩滑冇過熟，牛奶餐包鬆軟帶香濃牛奶味。
三者嘅配搭，完全做到港式早餐嘅榜樣！
招牌瑞士汁炒牛河
⭐⭐⭐⭐
一開始以為只係普通嘅乾炒牛河，換個瑞士汁「換湯唔換藥」就算。
點知侍應一拎上枱嘅時候，瑞士汁嘅香味就撲鼻而來。
值得一讚係河粉同啲瑞士汁做到融為一體，
唔單止唔會食少少就覺得油膩，反而甜絲絲嘅味道令人食唔停口。
極度懷疑呢間冰室嘅牛肉係唔使錢嘅，
當中嘅牛肉係多到食極都仲有， 完全值回票價。
凍咖啡 & 紅豆冰
⭐⭐⭐⭐
去冰室飲凍奶茶就好似指定動作，
但係今日叫錯咗凍咖啡，點知換嚟一個驚喜
呢度嘅凍咖啡 飲得出佢唔係普通貨式，而係真係有即磨咖啡香嘅味道。
既唔會有一般嘅苦味，取而代之係一種真正嘅咖啡香。
再嚟就有紅豆冰。
奶同紅豆嘅份量啱啱好，冰又唔會過多
正正就係我想要嘅港式冰室風味！
張貼
