影片
更多
2022-04-11
309 瀏覽
四月, 期望恢復飯聚. 話說早前入谷, 原為望梅止渴, 最後大開眼界, 食壽司都可以咁專業, 我鍾意! 谷友好多推介都屬於 “預約困難店”, 我就真係搞唔掂. 食嘢講緣份, 咁啱睇中Suzuno, 又訂到位, 又唔使落訂金. 我已經加咗入 “我的最愛” 🥰.今日係四月初訪. 其實已經訂咗位四月尾再訪, 希望到時限聚如預期解封. 餐廳設有一張L型吧枱. 鄧師傅一打十. 今日點咗十二貫壽司套餐, $680+10%.🍀 前菜: (1) 水菜沙律蓮藕. 水菜新鮮, 配埋屈機醬一定好食. (2) 南蠻漬. 南蠻漬原來係一種傳統烹調方法, 聽講由葡萄牙人傳入. (3) 蒸蛋. 夠熱, 味道略淡.🍣 第一件... 赤矢柄, 鹿兒島. 個超長嘴, 用嚟食石罅中間嘅魚仔. 味道Ok, 睇好過食. 😂第二件... 間八. 結實, 魚味不俗.第三件... 金目鯛. 魚皮用熱水淥熟咗. 魚身油脂較多. 個人唔特別鍾意魚皮嘅口感.🥰 第四件... 一本釣池魚. 係釣嘅, 唔係用網捕嘅. 肉質結實, 肥美. 加咗少少姜茸, 配合得天衣無縫. 感覺少少似食秋刀魚. 今餐驚喜之一.第五件... 關鯖. 充滿油脂. 好
今日係四月初訪. 其實已經訂咗位四月尾再訪, 希望到時限聚如預期解封. 餐廳設有一張L型吧枱. 鄧師傅一打十. 今日點咗十二貫壽司套餐, $680+10%.
🍀 前菜: (1) 水菜沙律蓮藕. 水菜新鮮, 配埋屈機醬一定好食. (2) 南蠻漬. 南蠻漬原來係一種傳統烹調方法, 聽講由葡萄牙人傳入. (3) 蒸蛋. 夠熱, 味道略淡.
🍣 第一件... 赤矢柄, 鹿兒島. 個超長嘴, 用嚟食石罅中間嘅魚仔. 味道Ok, 睇好過食. 😂
第二件... 間八. 結實, 魚味不俗.
第三件... 金目鯛. 魚皮用熱水淥熟咗. 魚身油脂較多. 個人唔特別鍾意魚皮嘅口感.
🥰 第四件... 一本釣池魚. 係釣嘅, 唔係用網捕嘅. 肉質結實, 肥美. 加咗少少姜茸, 配合得天衣無縫. 感覺少少似食秋刀魚. 今餐驚喜之一.
第五件... 關鯖. 充滿油脂. 好食!
富山炸白蝦. 食到尾都仲脆. 讚!
第六件... 白蝦, 富山. 味道唔錯. 略嫌偏凍.
第七件... 甘海老. 一啖食晒三隻蝦, 口感澎湃. 鮮甜, 膠口.
第八件... 水八爪魚. 吸盤爽口. 八爪魚身口感似魷魚, 有咬口.
🥰 第九件... 赤貝, 佐賀太良町. 非常厚身, 爽甜. 今餐驚喜之二.
🥰 白蝦真丈. 用白蝦做嘅蝦丸, 超級好食.
昆布漬白蝦. 少少似蝦膠或 “他他”. 師傅話昆布俾到味道, 仲會吸水, 令白蝦味更濃郁. 呢件係今日白蝦四食嘅最後一食.
第十件... 拖羅. 十分肥美. 落鹽, 唔用醬油. 成功提升到魚味. 我幾鍾意呢個處理方法.
🥰 第十一件... 吞拿魚醬油漬. 味道濃郁. 滑溜. 一流! 今餐驚喜之三.
第十二件... 海膽, 根室市. 鮮甜. 今日十位客人食哂.
🥣 麵豉湯. 夠熱, 好好飲.
☕️ 最後有橙汁或㗎啡. 橙汁呢個選擇有少少攪笑, 都係揀咗咖啡.
🤗 總結一下: 師傅用心講解各魚料食材, 又展示長咀嘅赤矢柄及八爪魚腳, 帶動氣氛. 食材屬水準之上. 多件壽司都有驚喜, 包括池魚, 赤貝, 吞拿魚醬油漬, 仲有白蝦真丈! 午市只做一輪生意, 用餐時間大概兩小時, 唔使趕頭趕命, 體驗及性價比加分. 我已經將 Suzuno 加咗入OpenRice 嘅 “我的最愛” 收藏分類.
張貼
