影片
更多
2019-06-28
179 瀏覽
之前去完西班牙，返嚟香港之後一直都好掛住當地既嘢食，同事前排食完呢間西班牙餐廳就話我知好掂，叫我可以去試下，今日就同咗朋友仔嚟試下。我地六點幾就到咗，所以嚟到既時候未算太多人，但好快啲人就陸續咁嚟，如果下次再嚟都要book定或者早啲到先得。入到嚟見到個裝修已經好鐘意，有好多顏色繽紛既小裝飾放咗係側邊，而櫈係用我最鐘意既淺藍色。之前去西班牙既時候就係最鐘意佢地既tapas，小食咁細細盤，每樣都好有特色，而酒就一定都係叫Sangria，其本上去到當地餐廳一問推薦咩酒佢地都會介紹呢樣。咁一嚟到見到有Sangria就梗係叫咗先啦，回味返個味道，真係同當時飲既一樣，有果味得嚟又好清新，酒味唔會太重。跟住就叫咗啲tapas，第一個就係Wagyu beef and fole gras，呢個我都未試過，但見到有和牛又有鵝肝感覺幾特別就試下，嚟到既時候本身係生既和牛係面，之後職員會係我地面前燒。食落去原來係和牛下面有個法包，而法包入面有鵝肝蓉，食落去好驚艷，因為估唔到係咁，個鵝肝會留出嚟，食個口都係啲鵝肝既味道，和牛又好有鮮味，呢個超推介！跟住就係呢個Patatas Bravas，係西班牙都有食過，係有
我地六點幾就到咗，所以嚟到既時候未算太多人，但好快啲人就陸續咁嚟，如果下次再嚟都要book定或者早啲到先得。入到嚟見到個裝修已經好鐘意，有好多顏色繽紛既小裝飾放咗係側邊，而櫈係用我最鐘意既淺藍色。
之前去西班牙既時候就係最鐘意佢地既tapas，小食咁細細盤，每樣都好有特色，而酒就一定都係叫Sangria，其本上去到當地餐廳一問推薦咩酒佢地都會介紹呢樣。
咁一嚟到見到有Sangria就梗係叫咗先啦，回味返個味道，真係同當時飲既一樣，有果味得嚟又好清新，酒味唔會太重。
跟住就叫咗啲tapas，第一個就係Wagyu beef and fole gras，呢個我都未試過，但見到有和牛又有鵝肝感覺幾特別就試下，嚟到既時候本身係生既和牛係面，之後職員會係我地面前燒。食落去原來係和牛下面有個法包，而法包入面有鵝肝蓉，食落去好驚艷，因為估唔到係咁，個鵝肝會留出嚟，食個口都係啲鵝肝既味道，和牛又好有鮮味，呢個超推介！
Wagyu beef and fole gras air bagutte
26 瀏覽
0 讚好
0 留言
Wagyu beef and fole gras air bagutte
37 瀏覽
0 讚好
0 留言
跟住就係呢個Patatas Bravas，係西班牙都有食過，係有辣味既蕃茄汁加落薯仔粒上，呢個都好鐘意，薯仔唔會太硬又唔會太林，煮得啱啱好，而個醬其實都唔算辣，對住我嚟講都食到無問題。
Patatas Bravas
36 瀏覽
0 讚好
0 留言
再叫多一個tapas，就係Ham Croquettes，呢個有啲似可樂餅既外表，但入面既其實都係火腿同肉嚟，但口感有啲似薯蓉係入面，幾特別，咸咸地咁，個口感都好鐘意。
Ham Croquettes
41 瀏覽
0 讚好
0 留言
Ham Croquettes
34 瀏覽
0 讚好
0 留言
之後就叫主菜啦，叫咗個1/2 Wagyu short rib，和牛既肋骨，份量都幾多，而且嚟到已經切好晒配菜仲有啲蕃薯條添。食落去口感好好，牛煮得好冧，肉汁鮮甜，好正
1/2 Wagyu short rib
33 瀏覽
0 讚好
0 留言
跟住就係Squid ink paella，西班牙墨汁海鮮飯，超大一盤，同之前見到既一樣，職員會主動幫我地分碟，服務好好飯上會有蝦、原隻青口同蜆，飯入面會有一啲墨魚肉，啲飯食落去每粒都食到好豐富既墨魚汁，味道好正！
Squid ink paella
25 瀏覽
0 讚好
0 留言
Squid ink paella
32 瀏覽
0 讚好
0 留言
最後就嚟個甜品啦，呢度都有埋西班牙最出名既甜品Churros with chocolate，中文叫吉拿棒，係一啲西班牙式既油炸鬼再點落熱朱古力醬度食，呢度好特別既係佢有埋雪榚，其實之前食過覺得加落朱古力醬入面變得好甜，但今次多一個選擇，我自己就鐘意加落雪榚度多啲，而Churros都炸得啱啱好，仲有砂糖係面令食落去層次更加豐富，呢個都十分推介呀！
Churros with chocolate
31 瀏覽
0 讚好
0 留言
好開心係香港可以食到正宗既西班牙餐廳，朋友都好滿意呢度既嘢食，大家都超享受呢一餐呀！
張貼
