影片
更多
2021-12-16
29 瀏覽
成日喺中環lunch真係唔知食乜，同事介紹樓上有間餐廳環境特別有得打卡而且仲有我最愛嘅雞翼，同大品牌嘅炸雞完全兩個感覺，所以今日襯食飯時間去試吓， lunch set價錢都可以接受，八隻雞翼可以揀兩款味，又有薯條同埋飲品，另有小食甜品可以加購。全部店員都係用英文溝通，但佢哋全部都好Nice，會介紹邊款雞翼好味，同埋會問吓你想食乾身定係想食有醬汁嘅雞翼，我自己就揀咗鹹蛋黃，同埋泰式酸辣雞翼。首先嚟咗個薯條先，新鮮炸起超級香脆，普通嘅食法當然係點茄汁食，但我見呢度可以叫燒烤牛油果只係加$40，仲要整個上，一啖薯條一啖牛油果，茄汁都唔使點，我呢款自創嘅食薯條方法大家一定要試，超級好味又感覺健康。雞翼有八隻，大大隻，新鮮炸起上碟嘅時候熱辣辣，鹹蛋黃味就比較乾身，鹹蛋黃未至於入味去到雞翼入面，但鹹蛋黃碎on top都食得出好香嘅鹹蛋黃。泰式酸辣非常好味，好Juicy，辣辣地特別開胃，我自己會比較鍾意食呢隻味多個鹹蛋黃，原來食八隻雞翼係可以咁飽，差啲食唔晒，所以真係唔好睇小佢，好味又有份量，值得推介。另外要讚下呢度幾細心，有手套供應，食完d骨放落盤內，感覺衞生，食完都唔會成手油琳琳離開。
全部店員都係用英文溝通，但佢哋全部都好Nice，會介紹邊款雞翼好味，同埋會問吓你想食乾身定係想食有醬汁嘅雞翼，我自己就揀咗鹹蛋黃，同埋泰式酸辣雞翼。
首先嚟咗個薯條先，新鮮炸起超級香脆，普通嘅食法當然係點茄汁食，但我見呢度可以叫燒烤牛油果只係加$40，仲要整個上，一啖薯條一啖牛油果，茄汁都唔使點，我呢款自創嘅食薯條方法大家一定要試，超級好味又感覺健康。
雞翼有八隻，大大隻，新鮮炸起上碟嘅時候熱辣辣，鹹蛋黃味就比較乾身，鹹蛋黃未至於入味去到雞翼入面，但鹹蛋黃碎on top都食得出好香嘅鹹蛋黃。
泰式酸辣非常好味，好Juicy，辣辣地特別開胃，我自己會比較鍾意食呢隻味多個鹹蛋黃，原來食八隻雞翼係可以咁飽，差啲食唔晒，所以真係唔好睇小佢，好味又有份量，值得推介。
另外要讚下呢度幾細心，有手套供應，食完d骨放落盤內，感覺衞生，食完都唔會成手油琳琳離開。
張貼
