御膳

營業中

休息中

講起私房菜點可以唔提觀塘既御膳，今次已經係第3次去，帶埋幾個朋友去捧下場先。呢度最好就係啲位夠曬闊，坐得舒服，又有獨立房間，私隱度相當之高。手拍青瓜，酸辣咸甜味道非常平均，作為前菜真係非常醒胃。大肉蟹就緊係要配薑葱，蟹肉炒得唔會過火，薑葱入味，而且真係好大隻，無花無假。炒龍躉球鮮味十足，肉質彈牙，食落好新鮮，調味亦都相當好，回味無窮。士多啤梨骨，汁黎講做得相當好，甜酸得宜。炒麵加左蟹油非常惹味，麵身亦炒得夠乾，難得美食。原來仲有送外賣服務，咁以後唔使落黎都可以食到咁高質既私房菜。