影片
更多
2015-10-08
2306 瀏覽
又到大閘蟹季節啦！今次同朋友仔團購陶源既大閘蟹set，每位$298 加 10%，都算ok抵食。個set話有8道菜，首先出場係燒腩仔+腐皮卷，燒腩仔皮好脆，一層肥一層瘦咁食落唔膩，腐皮卷都好鬆化，入面既冬菇、筍等等既餡都好爽甜，唔錯。跟住就係遼參出場，佢用南瓜湯既配搭又幾得意喎，遼參好爽，唔係jam住個口果種，南瓜湯粉得黎又唔笠口喎，加埋d薏米增加口感，我覺得唔錯，幾好味。再黎就係鮑魚扣鵝掌，個汁都幾濃幾香架，鮑魚同鵝掌又唔覺有咩特別，係普普通通果隻，飽魚都算大架啦！鵝掌亦炆得夠林同入味，都算幾好啦！食到呢度都覺得唔錯，呢個價位有呢d質素算ok啦！好啦，到蟹仔出場啦！今次個set有2隻公食，岩哂我，我中意食公多d (笑)。講真都幾細隻，不過呢個價錢我唔要求太多，而且2隻都爆膏架。中意食公既膏，因為覺得香d，同埋jam住個口，停留喺味蕾上耐d，可feel耐d個香味 (爆)，d肉就有d鞋，不過咁細隻都好少肉食啫 haha...(￣∇￣)嗱...都算多膏架，都有3-4匙羹仔膏食下架，算係咁啦！(笑)仲有扒龍躉，個汁偏濃香，龍躉都好厚肉鮮甜，倒埋d麵撈汁，岩岩好夠味，可能我重口味啦，朋友話個汁好
個set話有8道菜，首先出場係燒腩仔+腐皮卷，燒腩仔皮好脆，一層肥一層瘦咁食落唔膩，腐皮卷都好鬆化，入面既冬菇、筍等等既餡都好爽甜，唔錯。
跟住就係遼參出場，佢用南瓜湯既配搭又幾得意喎，遼參好爽，唔係jam住個口果種，南瓜湯粉得黎又唔笠口喎，加埋d薏米增加口感，我覺得唔錯，幾好味。
再黎就係鮑魚扣鵝掌，個汁都幾濃幾香架，鮑魚同鵝掌又唔覺有咩特別，係普普通通果隻，飽魚都算大架啦！鵝掌亦炆得夠林同入味，都算幾好啦！食到呢度都覺得唔錯，呢個價位有呢d質素算ok啦！
好啦，到蟹仔出場啦！今次個set有2隻公食，岩哂我，我中意食公多d (笑)。講真都幾細隻，不過呢個價錢我唔要求太多，而且2隻都爆膏架。
中意食公既膏，因為覺得香d，同埋jam住個口，停留喺味蕾上耐d，可feel耐d個香味 (爆)，d肉就有d鞋，不過咁細隻都好少肉食啫 haha...(￣∇￣)
嗱...都算多膏架，都有3-4匙羹仔膏食下架，算係咁啦！(笑)
仲有扒龍躉，個汁偏濃香，龍躉都好厚肉鮮甜，倒埋d麵撈汁，岩岩好夠味，可能我重口味啦，朋友話個汁好咸，但我唔覺囉。
要黎有碗好古怪既野，問下係乜黎，答我地係麵，點知係莧菜，菌類，同埋蕃茄，都好，食d蔬菜身體好。。。哈哈哈哈
最後就黎薑汁湯丸同鮮果....omg，個薑汁湯係辣到苦，飲一啖即刻想噴出黎，個湯丸林到呢...好粉好林，咬一啖仔放低，成碗野好難食。而個所謂鮮果我直頭冇影相，好似爛生果咁，正所謂衰收尾咪係咁解囉，前面果d全部都ok，臨尾香呀真係。
張貼
