影片
更多
2024-09-24
490 瀏覽
我朋友今個月生日，趁我放假尊登請佢出嚟食飯，知佢喜歡食好嘢，所以我都唔敢怠慢，蒐集晒所有資料，搵到呢間日本餐廳，應該合佢心意。 呢間位於天后地鐵站附近嘅日本鐵板鐵，位置很好找。而且餐廳景觀一流，面向整個維多利亞港，而且佢哋嘅午市套餐極之抵食兼好好味。➰ 季節前菜 * 京都豆乳，上層甘粟煮加埋枝豆蓉 呢個豆乳嘅豆味好香濃，又帶有甘粟嘅香甜。* 核桃小女子小女子即係日本魚仔，把魚仔酥炸後，再加甜醬油煮成，再配合埋核桃食，口感酥脆之餘又帶點甜味。➰ 季節刺身兩款* 深海池魚 師傅教先食較為淡味嘅深海池魚，魚味好鮮甜。* 太刀魚師傅把太刀魚面層用岩鹽微微燒過，令到魚嘅油脂味更香濃。➰ 精選壽司兩款* 烏賊壽司烏賊切成絲上面再加一層師傅自己磨成嘅蝦碎，夠晒鮮美兼彈牙。* 目光魚壽司師傅把目光魚微燒過，上面再加上蔥花，食落有好香嘅油脂味，蔥花嘅加入更能提香。➰ 帆立貝配鮮海苔呢個帆立貝係北海道出品，超大隻兼好厚肉，師傅把帶子煎香後，再搭配埋三文魚籽，口感夠晒鮮嫩清甜。而帶子下面更有清甜嘅海苔湯汁，令整個口感層次更為豐富。➰ 沙巴虎蝦師傅把沙巴大虎蝦煎到好香口，而蝦肉夠晒鮮甜味美，醬汁方面就係用咗
呢間位於天后地鐵站附近嘅日本鐵板鐵，位置很好找。而且餐廳景觀一流，面向整個維多利亞港，而且佢哋嘅午市套餐極之抵食兼好好味。
➰ 季節前菜
* 京都豆乳，上層甘粟煮加埋枝豆蓉
呢個豆乳嘅豆味好香濃，又帶有甘粟嘅香甜。
* 核桃小女子
小女子即係日本魚仔，把魚仔酥炸後，再加甜醬油煮成，再配合埋核桃食，口感酥脆之餘又帶點甜味。
➰ 季節刺身兩款
* 深海池魚
師傅教先食較為淡味嘅深海池魚，魚味好鮮甜。
* 太刀魚
師傅把太刀魚面層用岩鹽微微燒過，令到魚嘅油脂味更香濃。
➰ 精選壽司兩款
* 烏賊壽司
烏賊切成絲上面再加一層師傅自己磨成嘅蝦碎，夠晒鮮美兼彈牙。
* 目光魚壽司
師傅把目光魚微燒過，上面再加上蔥花，食落有好香嘅油脂味，蔥花嘅加入更能提香。
➰ 帆立貝配鮮海苔
呢個帆立貝係北海道出品，超大隻兼好厚肉，師傅把帶子煎香後，再搭配埋三文魚籽，口感夠晒鮮嫩清甜。而帶子下面更有清甜嘅海苔湯汁，令整個口感層次更為豐富。
➰ 沙巴虎蝦
師傅把沙巴大虎蝦煎到好香口，而蝦肉夠晒鮮甜味美，醬汁方面就係用咗蝦頭嘅膏加埋牛油煮製而成，好鬼香濃。
➰ 香煎鵝肝
師傅把鵝肝煎到外焦里嫩，油而不膩，再搭配埋師傅特製嘅醬汁，更能中和鵝肝嘅油膩感。
➰ 美國牛柳 （厚燒 + 薄切）
厚燒 ～ 師傳把牛柳煎到5成熟，肉質夠晒彈牙多汁。
薄切 ～ 師傅把薄片牛肉捲埋蔥同蒜再煎香，令到口感層次更豐富，味道夠晒香濃。
➰ 鐵板炒飯
師傅首先把櫻花蝦炒香，跟著再把雞蛋加白飯炒好，再加埋剛才炒香咗嘅櫻花蝦落去再炒，整碗炒飯呈現金黃色，炒到夠乾身，而且櫻花蝦炒到卜卜脆，好鬼香口。
➰ 炒什菜
師傅把芽菜炒到好乾身，再配合埋師傅自家製嘅炸蒜同香蔥製成嘅醬料，每啖都好鬼惹味。
張貼
