影片
更多
2023-05-02
232 瀏覽
今晚同同事去咗公司附近一間Omakase小店食dinner, 餐廳面積好細, 只有六人吧檯可以近距離見到師傅煮理過程, 另一邊設四人座位。雖然座位遠離一點, 但師傅亦會親身前來送上食物同介紹。今晚order咗HK$980/位嘅dinner set, 每位跟120ML Sake, 啱哂歷時兩個半小時邊飲邊食, 當晚還遇上了不醉無歸嘅食客, 令氣氛場面更為熱鬧。先送上三款前菜, 可以無限任加:Wasabi淮山、醃製蓮藕、水雲、酒盗芝士:淮山微爽脆、滑潺潺, 咀嚼時滲出wasabi; 水雲微酸爽口; 酒盗芝士配上吞拿魚內臟, 口感極creamy, 鹹香十足。九洲小長井生蠔:脹卜卜, 超肥美, 幾乎滑得直入喉嚨, 蠔味濃郁, 甘香鮮甜。鯛魚白子:加咗少少柚子酸汁、辣椒蘿蔔蓉, 一口咬落去好似有層薄膜, 再流出有如乳酪質地嘅汁, 味道清甜。螢光魷魚:經火灸過, 原本脤卜卜位已經穿咗, 流出了魷魚膏, 口感林滑, 鹹味偏重, 有點回甘。鮟鱇魚肝:被壓成蓉, 有如蛋黃質感, 細味鹹甜。磯煮鮑魚:彈滑鮮甜, 沾上了鮑魚肝醬, 提升原汁原味; 蘿蔔好林又多汁, 甜酸開胃。昆布滑子菇湯:熱辣辣好暖胃, 菇
今晚order咗HK$980/位嘅dinner set, 每位跟120ML Sake, 啱哂歷時兩個半小時邊飲邊食, 當晚還遇上了不醉無歸嘅食客, 令氣氛場面更為熱鬧。
先送上三款前菜, 可以無限任加:
Wasabi淮山、醃製蓮藕、水雲、酒盗芝士:淮山微爽脆、滑潺潺, 咀嚼時滲出wasabi; 水雲微酸爽口; 酒盗芝士配上吞拿魚內臟, 口感極creamy, 鹹香十足。
九洲小長井生蠔:脹卜卜, 超肥美, 幾乎滑得直入喉嚨, 蠔味濃郁, 甘香鮮甜。
鯛魚白子:加咗少少柚子酸汁、辣椒蘿蔔蓉, 一口咬落去好似有層薄膜, 再流出有如乳酪質地嘅汁, 味道清甜。
螢光魷魚:經火灸過, 原本脤卜卜位已經穿咗, 流出了魷魚膏, 口感林滑, 鹹味偏重, 有點回甘。
鮟鱇魚肝:被壓成蓉, 有如蛋黃質感, 細味鹹甜。
磯煮鮑魚:彈滑鮮甜, 沾上了鮑魚肝醬, 提升原汁原味; 蘿蔔好林又多汁, 甜酸開胃。
昆布滑子菇湯:熱辣辣好暖胃, 菇味香甜。
帆立貝: 厚切飽滿,以柚子皮同埋岩鹽做調味, 柚子味偏重得黎又冇澀味, 清新鮮甜。
金目鯛:壽司飯底混入了香蔥, 正好襯托魚味偏淡嘅金目鯛, 香口有層次。
深海池魚:經輕輕火灸過, 入口先食到魚鮮味, 後繼散返淡淡煙燻味。
梭子魚: 魚質好林, 味道甘香。
生死戀: 超有味蕾上驚喜! 用脆紫菜夾住一生一熟(經火灸過)嘅拖羅, 一冷一暖, 以紫蘇葉做分隔, 經火灸過嘅拖羅, 魚油豐富澎湃, 紫蘇葉平衡了咀嚼時口中嘅魚油。
腦天: 經火灸過, 迫出了部份油脂, 咀嚼時, 油份更為澎湃, 甘香可口。
火灸左口魚邊:細味有淡淡焦香, 入口即化, 後續有小小纖維口感, 但冇渣。
然後侍應送上食用消毒劑比我地消毒手背,原來重頭戲黎喇! 將凍冰冰海膽直接放上手背上, 以Wasabi點驟, 儀式感絕對吸引打卡。海膽入口即化, 甘香可口, 有點回甘, 味道在口中殘留感長。一次過滿足觸感同味覺享受。
松葉蟹肉配秋田縣湯烏冬:松葉蟹肉鮮甜, 烏冬好林滑, 湯底胡椒味重, 惹味清香。
厥餅:有齊焦糖同埋綠茶, 微微煙韌, 只係微甜。
張貼
