老媽拌麵 (將軍澳中心)

營業中

休息中

近近地將軍澳中心飯堂，餐廳乾淨企理，仲有地道嘅台灣拌麵做主打，拌麵有粗同幼麵選擇添，特別喜歡佢嘅台灣小食。清燉牛肉湯鍋（火鍋）$108一人一鍋好健康，鍋裏面有紅蘿蔔、白蘿蔔、椰菜、蕃茄、生菜、芝心丸、玉子豆腐等，一天嘅蔬菜所需已經有齊，另外仲有一份牛肉同粗伴麵，既飽肚又健康。香煎蔥抓餅$30推介，香口，口感十足，淡淡蔥油味。澎湖花枝丸$32台灣直送嘅花枝丸，爽口彈牙，仲有埋台灣醬汁。椒麻半筋半肉拌麵$82上次食都唔見有，今次新出，牛筋超級冧同入味，麻辣唔會好辣，醬汁係底部，唔好一次過撈晒，味道會比較重，所以輕輕根據自己嘅口味調校。菊花金銀花茶$26總括而言唔錯，有台灣本土風味，小食同台灣嘅味道好相似，而且一人一鍋蔬菜為主夠健康。