まいど

營業中

休息中

又向尖沙咀韓國街出發🇰🇷呢度有唔少韓式食肆 今次去咗Maido 主打韓國地道菜式 鐵板/粉絲/石鍋 由正宗韓國人主理 價錢仲好親民tim☺️店內裝修簡潔 有點溫馨嘅感覺 座位夠寬敞 空間感都幾大食物選擇相當多 花多眼亂😍一嚟先送上三款前菜(泡菜/荳芽菜/醃蘿蔔)▪️鐵板豬肉蓋飯▫️雪濃湯▪️海鮮煎餅好喜歡呢度嘅食物主要都以鐵板或鐵鍋奉上 保溫程度一流 食到最後仍然保持熱度👍🏻兩個人揀咗三款食物share 每一樣份量都好多😆食到頸飽 鐵板豬肉以韓式辣醬調味 惹味得嚟唔會過辣 豬肉係腩肉位置 肥瘦均勻 口感鬆軟🐖雪濃湯喺冬天飲真係勁正 暖笠笠 湯底清甜配上牛肉香氣 味道有層次 除咗附上白飯 湯入面都加入咗麵條🍜海鮮煎餅好香口 入面除咗大蔥/辣椒等等 仲有唔少魷魚粒 咬落口感相當好 而且韓國醬油加咗香蔥同芝麻 同煎餅好夾 亦可減低膩感🫓