一門 (已結業)

一門以前都好難book位，但受疫情影響依家反而容易有位而且人又唔多，坐得好舒服，而星期一至四晚飯有八折。同朋友兩個人喺度食飯傾吓計都幾適合。我哋叫咗幾樣嘢食，味道都OK正常嘅。胡麻醬豚肉豆腐沙律沙律菜夠新鮮，胡麻醬配豆腐豚肉味道好夾，有豚肉令成個沙律唔會感覺「好齋」。海膽吞拿魚卷海膽份量都算多，味道尚可，但吞拿魚略嫌唔夠肥美，有些少筋，令口感一般。炸雞軟骨香香趣趣，軟骨夠爽身，味道正常。串燒雞翼，免治雞肉串及牛舌全部味道都係正常串燒應該要做到嘅水準，雞肉串做得唔錯，食起上嚟有咬口嘅。是日推介燒油甘魚頸份量比想像中多，而且都好多肉亦都唔腥，一般以為呢D頸位鮫位會骨多，配埋個梅子汁好味😋今餐坐得真係舒服嘅，食物味道正常但唔可以話好出色囉，都可以再幫襯嘅。