鍋心粥底火鍋 (已搬遷) 新店位置

我同屋企人講開話去打邊爐， 佢哋話人地介紹粥底海鮮火鍋好正，咁就一於去試下啦 ~一早book 好枱，6pm 到，講真環境一般般，坐落有少少迫，唔會好似喺酒樓咁舒服。不過有好多海鮮，包括有蟹，蜆，蝦，鮑魚等等 ，份量都好足。海鮮全部好新鮮，全部落曬落個粥度煮，好鮮甜。鮑魚煮完都唔un, 幾爽口~ 蟹食落好鮮甜，由於有家人唔食蟹，我一個人食左成隻蟹~ 蝦就正正常常啦～蜆都算好大粒，同唔會有沙~最後食埋個粥 ，就真係超級飽~ 咁既價錢，相比其他海鮮火鍋又係幾抵既，唯一唔好處就係坐得麻麻，後生去ok，老人家去就唔係幾岩~