夏麵館 (置富第一城)

營業中

休息中

本身趕時間其他食肆都要等位，見依間有擔擔面午餐就求其入去試吓，點知就中伏。要咗個午市上海擔擔麵乜餸都冇只得啲碎水肉粒少量花生，最重要係個湯勁淡，剩係得啲辣油冇乜味，裝修又茶記風格俾埋啲單邊大家樂單人枱，你坐冷氣又唔夠一邊食一邊流汗。最後都冇食晒嗱嗱臨食完閃人未見過咁垃圾嘅上海淡淡。同樣價錢價位嘅去上海姥姥用嘅料味道都比佢好好多埋單嗰陣時仲要原來收茶錢同埋加一 共$77食埋啲咁嘅嘢。根本就搵笨。咁嘅垃圾舖頭仲好意思收人加一和茶錢，痴線。怪唔之得裏面冇乜人食。