104
2
6
等級4
248
0
外地朋友好鍾意🥰
2024-08-13 123 瀏覽
外地嚟嘅朋友話要試下我哋local嘅食物喎，我就諗起有朋友推介呢間喺油塘新開張嘅新式茶餐廳，入面賣嘅都係香港經典美食。我哋就抱住試試嘅心態去試啦～一到，我朋友就問我係咪點佢，佢話同佢喺港劇睇到嘅茶餐廳唔一樣😹😹 店鋪裝潢非常溫馨亮白，位置都唔少，可以容納好多客人但係又唔會擠迫。仲有可愛嘅插畫都畫住港式料理，好得意😍 Menu都好豐富，多種選擇，仲有英文翻譯添～👌🏻🌟大滿足雜扒鐵板餐🌟鐵板熱辣辣，淋上黑椒汁落去滋滋聲都幾療癒😹 底層仲有薯條同蔬菜墊住，我朋友睇到都嚇咗一跳，配料十足仲好大份！配餐仲有例湯同麵包，麵包擦上牛油再淋少少黑椒汁真係正👍🏻🌟豬扒鐵板餐🌟豬扒都煎得好美味，淋上洋蔥汁成個味道都提升晒。仲有底下蓋住薯條同蔬菜，配埋一齊食就冇咁膩。仲有羅宋湯都好好飲，酸甜滋味熱辣辣飲落去成個胃都暖晒。真係懷舊嘅一餐😋🌟凍檸檬蜜糖咖啡🌟外地朋友話第一次試呢個特色飲品～佢以為係咩黑暗料理😹 檸檬加咖啡完美中和咗咖啡嘅苦味，配埋少少蜜糖甜滋滋，唔會太苦亦唔會太甜。我朋友飲咗一啖就搶住飲晒😹食物老實講就係普通港餐嘅水準，食嘅係回憶，都幾適合帶外地朋友嚟試，值得一試！
更多
外地嚟嘅朋友話要試下我哋local嘅食物喎，我就諗起有朋友推介呢間喺油塘新開張嘅新式茶餐廳，入面賣嘅都係香港經典美食。我哋就抱住試試嘅心態去試啦～
1892 瀏覽
0 讚好
0 留言
一到，我朋友就問我係咪點佢，佢話同佢喺港劇睇到嘅茶餐廳唔一樣😹😹 店鋪裝潢非常溫馨亮白，位置都唔少，可以容納好多客人但係又唔會擠迫。仲有可愛嘅插畫都畫住港式料理，好得意😍 Menu都好豐富，多種選擇，仲有英文翻譯添～👌🏻

15 瀏覽
0 讚好
0 留言
🌟大滿足雜扒鐵板餐🌟
鐵板熱辣辣，淋上黑椒汁落去滋滋聲都幾療癒😹 底層仲有薯條同蔬菜墊住，我朋友睇到都嚇咗一跳，配料十足仲好大份！配餐仲有例湯同麵包，麵包擦上牛油再淋少少黑椒汁真係正👍🏻
4 瀏覽
0 讚好
0 留言
4 瀏覽
0 讚好
0 留言
🌟豬扒鐵板餐🌟
豬扒都煎得好美味，淋上洋蔥汁成個味道都提升晒。仲有底下蓋住薯條同蔬菜，配埋一齊食就冇咁膩。仲有羅宋湯都好好飲，酸甜滋味熱辣辣飲落去成個胃都暖晒。真係懷舊嘅一餐😋
🌟凍檸檬蜜糖咖啡🌟
外地朋友話第一次試呢個特色飲品～佢以為係咩黑暗料理😹 檸檬加咖啡完美中和咗咖啡嘅苦味，配埋少少蜜糖甜滋滋，唔會太苦亦唔會太甜。我朋友飲咗一啖就搶住飲晒😹
食物老實講就係普通港餐嘅水準，食嘅係回憶，都幾適合帶外地朋友嚟試，值得一試！
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食