芭堤雅泰國餐館

營業中

休息中

去元朗探朋友，佢哋成班小朋友費事走出走入，就索性叫外賣返嚟一齊食。第一次叫呢間，相當有驚喜。外賣送到嚟仲係熱辣辣，賣相亦都相當企理。味道方面，基本上樣樣都好食。雖然係外賣，但係啲炸嘢都卜卜脆，蝦餅有彈牙，啲單骨雞翼都好入味。啲豬頸肉雖然唔算好有炭火燒烤嘅味道，但係唔會燒得太乾肉質仲鎖住喺裏面。個木瓜沙律唔會太辣，啲小朋友都食得到。燒雞同埋串燒都唔會太乾，串燒大大嚿，但係都醃得好入味。燒魷魚筒個醬汁先係靈魂，酸酸辣辣配埋個魷魚食就係提鮮效果，仲有我最鍾意食嘅炒飯，不過就蝦醬味唔算濃，重點係炒得夠乾身。另外濕炒河粉都唔會一pat pat處理得幾好。另外一個海鮮炒麵都唔錯不過都係鍾意食個炒飯多啲。下次有機會要去堂食試埋其他嘢。