茶餐廳2.0 (已結業)

如果你覺得而家去茶餐廳仲係食頹飯嘅話 咁就大錯特錯啦😌好似呢間茶餐廳2.0 餐牌選擇嘅種類非常多 除咗茶餐廳嘅基本款 仲有旋風蛋包飯/丼飯/農夫包同火山石系列等等 總有一款滿足到你✨▫️吉列芝士夾心豚柳咖喱蛋包飯旋風蛋包飯做得幾靚 而且都幾滑 配埋日式咖喱汁 好好味🍛吉列豚柳外層幾酥脆 而且陣炸衣夠薄 中間除咗芝士 仲有一層火腿 口感層次豐富▪️香煎手打芝士和牛漢堡溫泉蛋珍珠米丼和牛漢堡好香口🤤面頭嘅車打芝士好濃郁 令到味道再提升 珍珠米飯上面淋滿日式燒汁 識食一定係將隻溫泉蛋拮穿 撈勻一齊食😆餐廳特別再加左木魚絲 令到整體感覺更加日式▫️芒椰派對▪️黑牛喺茶記嚟講 飲品都好重要 呢度除咗咖啡奶茶 仲有唔同嘅特飲/懷舊飲品🍹芒椰派對係芒果加椰汁嘅沙冰 黑牛就係我小時候至愛 朱古力雪糕加可樂 喺熱辣辣嘅天氣飲呢兩杯飲品 絕對加晒分💯