影片
更多
2023-07-20
61 瀏覽
相約朋友到心一．影聚會，餐廳位於灣仔Winland Square，步入餐廳已經有店員熱情招待。餐廳非常寛敞，劃分左數個不同區域，亦提供多元化的料理，包括串燒、OMAKASE、割烹、酒吧。餐廳更提供私人VIP房，房內有埋卡拉OK好適合一班朋友舉行派對聚會。今日同朋友就揀左坐心型吧檯食串燒，本身吧檯會變色的，不過當日因餐廳氣氛適合白燈，所以無轉到色，很可惜未能感受。我地揀左Sake & Yakitori Dinner Set，每位都會附送一壺 宮寒梅純米大吟釀，更可自選自己喜歡嘅杯，清酒帶果香非常易入口。前菜係黃金飛魚子沙律，清甜爽脆椰菜絲配上口感爽脆飛魚子，很開胃。刺身有四款，包括赤貝、象拔蚌、拖羅及左口魚。每款刺身都各有鮮味，最喜愛拖羅入口即化。接下來係串燒，係用木炭黎燒架，有十三款可選擇，每人可選6款不同款，師傅會在面前即燒。店員遞上裝有調味的碟，上面有黑炭鹽、岩鹽、七味醬及一角檸檬，每款串燒本身已調味，不過可根據自己口味再點上不同醬料。龍蝦串燒已將肉起左串起燒，食落啖啖肉，口感爽彈味道鮮甜。澳洲和牛及牛舌燒得啱啱好，肉質軟嫩多汁。雞翼燒到金黃色，外皮香脆內裏嫩滑。燒魷魚外層微焦但肉
我地揀左Sake & Yakitori Dinner Set，每位都會附送一壺 宮寒梅純米大吟釀，更可自選自己喜歡嘅杯，清酒帶果香非常易入口。
前菜係黃金飛魚子沙律，清甜爽脆椰菜絲配上口感爽脆飛魚子，很開胃。
刺身有四款，包括赤貝、象拔蚌、拖羅及左口魚。每款刺身都各有鮮味，最喜愛拖羅入口即化。
接下來係串燒，係用木炭黎燒架，有十三款可選擇，每人可選6款不同款，師傅會在面前即燒。店員遞上裝有調味的碟，上面有黑炭鹽、岩鹽、七味醬及一角檸檬，每款串燒本身已調味，不過可根據自己口味再點上不同醬料。
龍蝦串燒已將肉起左串起燒，食落啖啖肉，口感爽彈味道鮮甜。澳洲和牛及牛舌燒得啱啱好，肉質軟嫩多汁。雞翼燒到金黃色，外皮香脆內裏嫩滑。燒魷魚外層微焦但肉質都爽嫩及彈牙。最特別係好少喺串燒出現嘅午餐肉，係用左謝霆鋒推出嘅鋒味午餐肉，咬落去係食到滿滿嘅豬肉絲，感覺比其他午餐肉較低鹽。
跟餐有香蔥碎吞拿魚腩飯，但我地加左98蚊轉左蟹膏蟹肉甲羅燒飯，因為食到已經開始飽，所以叫左少飯，店員喺面前為我地煮飯，見到都幾大碗蟹膏蟹肉撈落飯到最後再喺表面炙燒過，再撒上烏魚子碎，味道好有層次，亦無一般嘅甲羅燒鹹，值得一試
最後甜品少不了雪糕，當日嘅係柚子雪葩，入面有粒粒柚皮，酸酸甜甜啱晒飯後可以解膩
整體無論氣氛、餐飲還是服務都係有水準的。
張貼
