影片
更多
2024-06-04
118 瀏覽
呢到食物款式好多，又特別，令到有選擇困難既我揀左好耐，同埋佢有唔多優惠，睇左好耐先揀到最想試既野食🙈🙈簡單啲講就係所有食物都係單點，但小食同埋飲品都有跟餐價會平啲；另外，佢有幾款係一個價錢包3樣食物，但飲品就要再加錢；又有得自選湯麵，好欣賞佢地可以有咁多配搭俾人揀👍🏻3 COURSE DINNER招牌去骨海南雞配黃薑飯 + 牙車快沙律 (柚子+手撕雞) + 椒鹽脆蛋魚柳 ($92)雞肉厚身多件😍 肉質滑身，唔會太油，黃薑飯比出面多左一份椰汁既香味，食落胃口大開！份量冇嘢好講。一個字：超級多！👍🏻牙車快沙律同椒鹽脆蛋魚柳係同一碟上，手撕雞沙律酸酸甜甜，可以自己落酸辣汁，我唔鍾意太酸，令到成個沙律得返個酸味，所以我落咗好少，幾啱我胃口，手撕雞正常發揮🤘🏻魚柳真係椒鹽既味道，差啲唔記得自己食緊越南嘢😂 魚柳濃味啲，同沙律嘅酸甜有對比，幾特別嘅配搭👍🏻少少可惜係佢比海南雞飯更遲上菜，冇得第一時間開胃先🙊鎮店四鳥 (脆雞皮+手撕雞+滑雞件+杏脆雞) 配椰汁酸湯檬粉 ($88)一個價錢食到4款雞，岩哂我呢啲眼闊肚窄既人！四款唔同嘅雞都好有特色，雞皮比薯片更加脆，但係又有一定嘅厚度同埋大大塊，好少喺
簡單啲講就係所有食物都係單點，但小食同埋飲品都有跟餐價會平啲；另外，佢有幾款係一個價錢包3樣食物，但飲品就要再加錢；又有得自選湯麵，好欣賞佢地可以有咁多配搭俾人揀👍🏻
3 COURSE DINNER
招牌去骨海南雞配黃薑飯 + 牙車快沙律 (柚子+手撕雞) + 椒鹽脆蛋魚柳 ($92)
雞肉厚身多件😍 肉質滑身，唔會太油，黃薑飯比出面多左一份椰汁既香味，食落胃口大開！份量冇嘢好講。一個字：超級多！👍🏻
牙車快沙律同椒鹽脆蛋魚柳係同一碟上，手撕雞沙律酸酸甜甜，可以自己落酸辣汁，我唔鍾意太酸，令到成個沙律得返個酸味，所以我落咗好少，幾啱我胃口，手撕雞正常發揮🤘🏻魚柳真係椒鹽既味道，差啲唔記得自己食緊越南嘢😂 魚柳濃味啲，同沙律嘅酸甜有對比，幾特別嘅配搭👍🏻少少可惜係佢比海南雞飯更遲上菜，冇得第一時間開胃先🙊鎮店四鳥 (脆雞皮+手撕雞+滑雞件+杏脆雞) 配椰汁酸湯檬粉 ($88)
一個價錢食到4款雞，岩哂我呢啲眼闊肚窄既人！四款唔同嘅雞都好有特色，雞皮比薯片更加脆，但係又有一定嘅厚度同埋大大塊，好少喺出邊食到🫰手撕雞正常，滑雞件有咖喱/椰香嘅味道，又真係滑同好味🤣杏膽雞都炸得好鬆脆，有調過味，啖啖雞肉，齋食雞都夠👍🏻
椰汁酸湯真係好特別，有椰汁嘅香味，再加本身越南湯檬嘅酸甜味，食落更加開胃，惹味！檬粉粉量都好多，檬粉口感都OK😆
四色檬紙卷 (海膽+煙三文魚+牛炸醬+手撕雞) (跟餐價$78; 單點$92)
見到佢有海膽三文魚呢啲配搭就叫咗，好少喺出邊見到越南米紙卷會有呢啲口味😍 嚟到個造型都幾靚，檬紙卷可以啱啱好一啖吞晒 (咁我個口都大既🤪)，除咗食到蔬菜嘅鮮，亦都會食到上面主菜既味道，擺埋一齊又幾夾喎！紙卷皮本身都唔算厚，入邊都好多料，我冇落酸汁都覺得夠味👍🏻 有興趣試吓唔同口味紙卷嘅食家，可以去試吓😆 四隻味我都鍾意，海膽、三文魚呢啲份量都唔少🤩
鮮菠蘿冰 (跟餐價$29; 單點$39)
菠蘿冰好清甜，超級解暑，再大杯啲就更正啦！😆
結論
🫰有set其實幾抵，一定飽
🫰食物有創意，欣賞餐廳既誠意同良心！
⚡️唔近地鐵站同埋都多人嫁 (不過唔近MTR都多人，證明真係唔差👍🏻)
好味度：8.5/10
回頭度：9/10
餐廳資料
餐廳名稱：越男仔
餐廳地址：旺角廣華街2-20號翠園大樓二期地下5號舖
營業時間：星期一至日 11:30-23:00
張貼
