Tiramisu’ Lab (已搬遷) 新店位置

由意大利大廚開設Tiramisu Lab，連謝霆鋒都去捧場，就知道呢個大廚有幾厲害。大玩創新，好多款口味，次次去都未必會一樣，所以好有驚喜！第一次當然要試下原味。見到website 介紹，主廚用1960年流傳至今嘅家族食譜，同其他提拉米蘇唔同嘅地方係，入口有少少芝士味，好特別。與咖啡味手指餅，層層相間，口感順滑～第二個係black forest 。呢個味係有最多cream，有啲似食緊黑森林蛋糕，中間係雜莓，酸酸甜甜。第三個係香蕉咖啡味。香蕉多數會配朱古力，呢個同咗咖啡cross over，不會好似配朱古力咁甜，但帶有咖啡濃香，很特別又好味。我鐘意佢係迷你方型size，可以比我試多啲不同款式，依家我每次行k11 musea都要走過嚟，睇吓會唔會有啲新嘅款式推出。