影片
更多
2023-03-25
40 瀏覽
呢間餐廳位於黃大仙崇山附近，出地鐵站行幾分鐘後到，餐廳有分室內同埋室外位置，環境都幾chill～嘢食方面好多元化，有好多款式，主打星加坡同馬來西亞美食，同時亦都有好多款港式同西式嘅料理！------------------------------🥟◖雞肉咖喱酥◗ $40有四件咖喱酥，外型成隻餃子咁，外皮香脆好似食緊薯片咁，裏面包咗啲雞肉咖喱薯蓉，外脆內creamy，味道微辣，有少少似食緊咖喱味薯片嘅感覺！🐟◖烤魔鬼魚◗ $128見到佢魔鬼魚呢道新加坡菜夠晒特別，一碟有兩小件～魔鬼魚表面搽咗啲微辣嘅醬料，魚肉嫩滑，魚骨係有啲似軟骨咁嘅質感可以食得，整體比較淡味，主要係靠佢表面嗰層微辣嘅麵豉醬～🍝◖炒貴刁◗ $98呢道係分店限定嘅菜式，有三大隻蝦仁同埋大量芽菜，味道有啲似大排檔嘅炒河，貴刁都幾煙韌，炒得有鑊氣！🥬◖蒜片炒青龍菜◗ $88青龍菜一條條咁，口感同味道都有啲似韭黃，幾清甜！值得一讚嘅係佢可以少油，勁貼心，但就細份咗少少呢～🍍◖鳳梨水果茶◗ $36嘢飲裏面有大量嘅果肉，叫咗少甜，都仲係覺得有啲甜～🍊◖桔仔話梅水◗ $30有兩粒桔仔同埋話梅肉，味道偏酸，帶少少話梅嘅香味，都幾開胃！🌟
------------------------------
🥟◖雞肉咖喱酥◗ $40
有四件咖喱酥，外型成隻餃子咁，外皮香脆好似食緊薯片咁，裏面包咗啲雞肉咖喱薯蓉，外脆內creamy，味道微辣，有少少似食緊咖喱味薯片嘅感覺！
🐟◖烤魔鬼魚◗ $128
見到佢魔鬼魚呢道新加坡菜夠晒特別，一碟有兩小件～魔鬼魚表面搽咗啲微辣嘅醬料，魚肉嫩滑，魚骨係有啲似軟骨咁嘅質感可以食得，整體比較淡味，主要係靠佢表面嗰層微辣嘅麵豉醬～
🍝◖炒貴刁◗ $98
呢道係分店限定嘅菜式，有三大隻蝦仁同埋大量芽菜，味道有啲似大排檔嘅炒河，貴刁都幾煙韌，炒得有鑊氣！
🥬◖蒜片炒青龍菜◗ $88
青龍菜一條條咁，口感同味道都有啲似韭黃，幾清甜！值得一讚嘅係佢可以少油，勁貼心，但就細份咗少少呢～
🍍◖鳳梨水果茶◗ $36
嘢飲裏面有大量嘅果肉，叫咗少甜，都仲係覺得有啲甜～
🍊◖桔仔話梅水◗ $30
有兩粒桔仔同埋話梅肉，味道偏酸，帶少少話梅嘅香味，都幾開胃！
🌟Encore指數：8.5/10
張貼
