Hue Dining

營業中

休息中

呢度主要係食靚景，佢個位坐喺度望出去見到夜景，仲睇到幻彩詠香江，個位都舒服，個環境一路飲酒一個傾計都好正。晚餐只有dinner set 而無得散叫，如果3個course $780一位，2個course都要$680一位，所以我們揀左3個course。佢送既麵包幾硬，同埋只有一款包。前菜是北海道帶子配南瓜蓉， 個帶子新鮮同埋真係剛剛好熟，入面唔會好生，好好味！朋友揀左黑毛豬肉配焦糖無花果，感覺好fresh，同埋個豬都多汁好食，唔燶。主菜揀左黃鰭池魚配白酒汁，個魚好鮮嫩，個汁有啲似忌廉湯既味，但都好夾。甜品揀左焦糖香蕉蛋糕同檸檬撻，前者較甜，要加埋雪糕一起食會好啲，後者唔算甜，本身個餅底就無太大驚喜，但有啲啤梨蓉，層次感豐富啲。