影片
更多
2024-06-23
1130 瀏覽
無細心睇評語，只睇頭幾個評語以為茶聊好正。環境： 一早已訂位，一入去就安排24號枱，無五分鐘就比言語壓力我，要求我調枱。調左33號枱，對正廚房，好大油煙。同隔離枱距離好近，有壓迫感，成間餐廳又嘈，好難傾計。坐椅係鐵櫈，同行有大肚婆，成餐飯好擔心大肚婆坐得唔舒服。食物： 肉眼五成熟- 廚師真係好高技巧，可以煮到塊牛生得黎又柴口兼無肉汁，部位極多筋位，就算用牛扒刀都好難切，口感十分韌。牛算有牛味，薯仔唔錯。明太子意粉- 份量少得驚人，係正常餐廳嘅一半再少啲，意粉質感好奇怪，不過醬汁正常。服務： 前文提及一入餐廳就被人施壓調枱。 而且無主動serve 過一杯水， 大肚婆提出要水時，侍應竟然要求大肚婆自助倒水，語氣亦不好。 因為肉眼太韌關係，我地食得好慢，雖然未到用餐九十分鐘，但已經比侍應催還枱。食過咁多餐廳無試過俾咁差嘅評語！
環境： 一早已訂位，一入去就安排24號枱，無五分鐘就比言語壓力我，要求我調枱。調左33號枱，對正廚房，好大油煙。同隔離枱距離好近，有壓迫感，成間餐廳又嘈，好難傾計。坐椅係鐵櫈，同行有大肚婆，成餐飯好擔心大肚婆坐得唔舒服。
食物：
肉眼五成熟- 廚師真係好高技巧，可以煮到塊牛生得黎又柴口兼無肉汁，部位極多筋位，就算用牛扒刀都好難切，口感十分韌。牛算有牛味，薯仔唔錯。
明太子意粉- 份量少得驚人，係正常餐廳嘅一半再少啲，意粉質感好奇怪，不過醬汁正常。
服務： 前文提及一入餐廳就被人施壓調枱。 而且無主動serve 過一杯水， 大肚婆提出要水時，侍應竟然要求大肚婆自助倒水，語氣亦不好。 因為肉眼太韌關係，我地食得好慢，雖然未到用餐九十分鐘，但已經比侍應催還枱。
食過咁多餐廳無試過俾咁差嘅評語！
9 瀏覽
0 讚好
0 留言
張貼
