肆年八月米線專門店 (已搬遷) 新店位置

作為米線控，bookmark左依間人氣店一段時間，今日特登揸車出大圍食，佢個位置較偏僻，停車後再行兩三分鐘就到達位於村屋群底層既米線。佢鋪面細，座位少，等左個幾鐘先終於有位，好彩依日天氣都唔算好炎熱。🍜《秘製豬頸肉酸辣米線》我個人係勁鍾意食豬頸肉同豬扒的，依個米線既豬頸肉厚薄適中有口感，而且佢重點有先有煎過個豬頸肉，所以特別香口。個湯底我叫左小辣，小辣都有辣感，酸味唔算好重主要來自酸菜，而的確個湯係幾咸，食完其實係幾口渴的，但欣賞佢個湯跟兩粒豆卜索哂湯汁超入味。但想特別提一提同比較失色係佢米線既軟硬感做得很差，米線淥得太耐好淋冇口感，見網上好多人都咁講，要改進！⭐️《麥芽滷大腸拼雞腎》超級鍾意食內臟，特別係滷水的豬腸乾淨肥瘦剛好，非常入味而且有𡁻頭，豬腎一樣做得幾出色，滷水味中又帶甜味，唔錯係份量比較少。⭐️《麻香酸菜雞絲》麻香雞絲反而比較淡味，食到麻既味道但係好似差少少咸味，反而係酸菜加分。⭐️《招牌手拉奶茶》岩岩提到野食比較咸口，但唔緊要，叫支樽裝手搵奶茶飲，香滑濃郁，gur番哂。總括食物質素只係平均，排咁耐值唔值得就見仁見智，但都係要繼續支持既。