影片
更多
2024-09-27
221 瀏覽
《大少燒味茶餐廳 - 大埔》九月份好多人生日，其中一個就係我爹哋😎屋企人鍾意食燒味，所以Daddy生日嘅時候除咗煮大餐之外，我仲去咗平時食開燒鵝嘅小店斬料返屋企加餸🤭平時星期日，我哋一家人都會去呢度食燒鵝瀨粉，因為佢嘅燒鵝唔會太過肥之餘仲有陣果木香，燒味飯平均$48起大大碗包飲品，燒鵝貴少少$58，喺大埔區內算係抵食既燒味之選😉當日下午茶時段去，仲可以喺果度食埋個下午茶先番去😝我果日叫左個招牌大少潛艇，入面有半肥瘦叉燒、煎蛋、芝士同埋沙律醬，食落超惹味😋叉燒煎蛋同芝士呢三個配搭本身就好夾，夾喺麵包入面真係犯規😂食一個已經飽晒，配埋杯凍檸茶走甜就最啱不過，午飯晚飯時間有時要排隊入座，不過一般都好快等到位今次加送嘅有大少既肥叉燒例牌、油雞半隻同埋上庄燒鵝叉燒我個人覺得呢度嘅一定要叫肥叉燒，因為大少用嘅肉比較瘦少少，鍾意食香口嘢嘅一定要叫肥啲，咁先至會有燶邊既口味另外油雞食落都好香豉油味，上色均勻，望落十分靚仔，配白飯或者粉麵食都好好味👍🏻而燒鵝我就一定係揀上庄，有冇人同我一樣係鍾意食燒鵝近胸骨嘅位置呢？下庄普遍我都覺得比較肥少少，鍾意食油香嘅話或者鍾意食脾，但係我全家都鍾意食骨位，味道香濃
九月份好多人生日，其中一個就係我爹哋😎屋企人鍾意食燒味，所以Daddy生日嘅時候除咗煮大餐之外，我仲去咗平時食開燒鵝嘅小店斬料返屋企加餸🤭
平時星期日，我哋一家人都會去呢度食燒鵝瀨粉，因為佢嘅燒鵝唔會太過肥之餘仲有陣果木香，燒味飯平均$48起大大碗包飲品，燒鵝貴少少$58，喺大埔區內算係抵食既燒味之選😉當日下午茶時段去，仲可以喺果度食埋個下午茶先番去😝
我果日叫左個招牌大少潛艇，入面有半肥瘦叉燒、煎蛋、芝士同埋沙律醬，食落超惹味😋叉燒煎蛋同芝士呢三個配搭本身就好夾，夾喺麵包入面真係犯規😂食一個已經飽晒，配埋杯凍檸茶走甜就最啱不過，午飯晚飯時間有時要排隊入座，不過一般都好快等到位
今次加送嘅有大少既肥叉燒例牌、油雞半隻同埋上庄燒鵝叉燒我個人覺得呢度嘅一定要叫肥叉燒，因為大少用嘅肉比較瘦少少，鍾意食香口嘢嘅一定要叫肥啲，咁先至會有燶邊既口味
另外油雞食落都好香豉油味，上色均勻，望落十分靚仔，配白飯或者粉麵食都好好味👍🏻
而燒鵝我就一定係揀上庄，有冇人同我一樣係鍾意食燒鵝近胸骨嘅位置呢？
下庄普遍我都覺得比較肥少少，鍾意食油香嘅話或者鍾意食脾，但係我全家都鍾意食骨位，味道香濃同埋食得到醃料嘅香味，同埋好似我所講，佢嘅皮係帶有果木香，所以揀冇咁肥嘅位置連皮食都冇咁罪惡感😝
張貼
