阿三大牌檔

營業中

休息中

大埔舊墟直街嘅「阿三大牌檔」，之前我已經幫襯過好多次，但今日食晏聽到我家老闆講咗句「真係好抵!!!」，我先真心留意下價錢。嘩~ 原來我個咖哩牛根腩飯$52咋，佢個滷水拼盤飯仲只係$50咋，午餐送好有人情味嘅例湯，亦都包凍飲加$3嘅飲品。而點解我咁鍾意呢間餐廳呢，因為本身佢地逢星期二會派飯比老人家好有愛心，門口有個半露天地方又成日坐咗好多狗狗，狗狗都嚟到熟哂，一入嚟就等餐廳職員派狗狗零食，隻隻都勁為食個樣好攪笑。同職員傾咗幾句，知道佢地出咗盤菜及好抵食冬至套餐，另外佢地12月份做緊早餐推廣優惠，真係忍唔住要介紹下比朋友先。