燚 (已改名) 查看

今次嚟到呢間坐落於大埔嘅鐵板燒——燚(亦）試吓個裝修唔同市區嘅一間特別嘅鐵板燒佢晏晝有兩款Menu ，咁我哋今次就揀咗佢入門嘅廚師發辦套餐，再加咗兩杯啤酒叫完之後好快就上咗呢一個沙律，佢係一個煙三文魚嘅沙律，個黑醋汁就將佢打成泡沫，食落去好似分子料理咁之後喺味就係一個乳酪Parma Ham，入面包住咗一粒菠蘿，而下面亦都係一個菠蘿蓉，食落去好清新之後就係一個北海道特大帶子配上咗魚子醬，每一啖食落去都食到帶子新鮮嘅鮮味，食完之後再配上側邊嘅櫻桃蘿蔔，清一清個口腔，準備開始食鐵板餐之後就上咗一個黑松露牛油扇貝，亦都將檸檬柚子汁打成泡泡，食落去唔會好鹹，但係亦都食到海水嘅鮮味主菜方面，我哋一個揀咗薄切和牛一個揀咗鹿兒島雞，和牛煎到五成熟，放入口入口即溶，配埋一啲炸蒜，食落去層次好豐富，如果覺得唔夠鹹，佢下面仲配咗一啲碳鹽食完兩個主菜之後，廚師仲用海膽炒咗個飯俾我哋，個炒飯粒粒分明，非常惹味食完個飯仲見到一個將豆腐雕花嘅豆腐昆布湯最尾嘅甜品就係一個吉士紅酒燴雪梨，作為一個鐵板餐嘅完結