竺扶大班燒味

營業中

休息中

今日約左老友去大埔行街 shopping ，順道去位於大埔安泰路1號大埔廣場地下61-62號舖的竺扶大班燒味食午餐，餐廳係大埔燒味人氣店，果然坐無虛席，店員態度良好，好快就安排座位給我們，真係人情味濃厚👍，深受街坊歡迎！我點左個 冰燒鳳凰雞飯 $48，配獨特醬汁（用蒜蓉、青檸、菠蘿、紅黃椒等調製）十分好味，餐飲係凍檸檬茶 $3（跟餐）；老友點左個下午茶餐：至尊古井燒鵝飯$45（指定鵝胸+$8）共$53，配上湯浸菜芯 $18，餐飲係熱駌鴦（跟餐）；另外點左個 金牌銷魂叉燒皇（例牌）$88。整體黎講係高質燒味，燒鵝皮脆肉嫩好味道；半肥瘦叉燒好香口，冰燒鳳凰雞的雞肉嫩滑，配秘製醬汁，十分好味道。