影片
更多
2019-09-01
302 瀏覽
朋友找到一間在油麻地新大廈譽發廣場刺身火鍋放題， 星期五六日288蚊任食兩小時， 或者好像我們早食的話，五點到八點268蚊可以食三小時。 七點半前或九點後入座離座還有八五折呢！這間餐廳的賣點是刺身頭盤，火鍋燒肉雙放題， 他有六款湯底可以選擇，我哋揀咗辛辣味泡菜湯，味道像辛辣麵湯底，朋友非常喜歡。三文魚，珍寶赤蝦，帶子，鮑魚片，油甘魚和北寄貝六款剌身， 三文魚油甘魚都有半寸厚度 大大塊，啖啖肉， 除咗珍寶赤蝦，其他每樣都有兩塊 。 特別喜歡他的珍寶赤蝦，有成點碟咁大♥️爽脆甜美。 帶子他旁邊有一塊青檸， 夾埋一齊食，青檸的香味令帶子的鮮味提升。肉類有安格斯牛肩肉，豬肉就係美國豬腩肉。我們首先燒肉， 朋友大展他的廚藝時， 我就出去睇下有咩嘢食。有原塊鰻魚卷壽司， 生蝦壽司， 白玉豚壽司， 炸雞塊， 芝士釀青口， 三文魚壽司卷等等， 壽司質素非常高，好似在壽司店食一樣， 如果不是要食燒肉和火鍋一定會多食幾件。飲品方面他有晚市任飲， 可以填紙來點， 我點了薑母茶， 草莓乳酸， 味道不會太甜，好啱食燒肉時飲用。熱食旁邊有兩個凍櫃， 有透明膠簾隔住， 保持衛生。他的涼菜有中華沙律，泡菜，泰式鳳爪，
這間餐廳的賣點是刺身頭盤，火鍋燒肉雙放題， 他有六款湯底可以選擇，我哋揀咗辛辣味泡菜湯，味道像辛辣麵湯底，朋友非常喜歡。
三文魚，珍寶赤蝦，帶子，鮑魚片，油甘魚和北寄貝六款剌身， 三文魚油甘魚都有半寸厚度 大大塊，啖啖肉， 除咗珍寶赤蝦，其他每樣都有兩塊 。 特別喜歡他的珍寶赤蝦，有成點碟咁大♥️爽脆甜美。 帶子他旁邊有一塊青檸， 夾埋一齊食，青檸的香味令帶子的鮮味提升。
肉類有安格斯牛肩肉，豬肉就係美國豬腩肉。
我們首先燒肉， 朋友大展他的廚藝時， 我就出去睇下有咩嘢食。
有原塊鰻魚卷壽司， 生蝦壽司， 白玉豚壽司， 炸雞塊， 芝士釀青口， 三文魚壽司卷等等， 壽司質素非常高，好似在壽司店食一樣， 如果不是要食燒肉和火鍋一定會多食幾件。
飲品方面他有晚市任飲， 可以填紙來點， 我點了薑母茶， 草莓乳酸， 味道不會太甜，好啱食燒肉時飲用。
熱食旁邊有兩個凍櫃， 有透明膠簾隔住， 保持衛生。
他的涼菜有中華沙律，泡菜，泰式鳳爪， 螺肉， 木耳， 非常開胃。 但是泰式鳳爪的味道不太辣， 有點不像平時食開的味道。
豚肉夾住泡菜一齊食， 好有食韓燒的感覺。
最開心他是有新鮮菠蘿片任食， 一見到就心動。 馬上夾四塊先燒一輪，還有其他翠玉瓜，冬菇， 茄子， 金菇， 白精靈菇。
朋友出去攞咗一個雞軟骨扒， 豬紅， 蘿蔔， 魚鮫， 牛栢葉，青口。
燒完第一輪， 我覺得味道淡咗少少 ，所以加少少鹽， 更加好味。
冬菇，放了好多心機去燒，把燒汁放在冬菇面上讓他慢慢吸收燒汁。
連最難燒的多春魚，都畀我燒到，勁！
香腸和厚切午餐肉當然不能錯過！
我們還拿了日本小番薯， 燒起上嚟，好好食， 外脆內軟，甜味適中。
天呀！我見到他有出前一丁麵！所以我拿了一個來炒公仔麵同放湯食， 實行一麵兩食， 我朋友都冇我符。朋友對我的炒公仔麵， 讚嘆不絕！
食完這一餐我覺得我個廚藝精進不少，哈哈！
最滿足是燒菠蘿放題， 做埋我最後的甜品。
滿分為10分(1分最低，10分最高)
食物：9
環境：8.5
衛生：8.5
服務：8
價錢: 8
舒適度：8.5
總分：8.5
張貼
