Espresso Alchemy

營業中

休息中

去完aia玩，搭返天星小輪去食飯，一落就已經係海港城，所以直接喺呢頭搵嘢食，平靚正嘅選擇就有呢一間Cafe。當晚揀咗烤雞菠蘿漢堡、厚切意大利煙肉配卡邦尼意粉🍝漢堡非常之有份量，雞肉juicy，一啖真係完全咬唔晒，旁邊仲有焗薯，食完又唔會有太熱氣嘅感覺。至於意粉非常之濃味，白忌廉好香口，煙肉亦都帶來鹹香！整體亦都冇好制你嘅感覺，當然有埋杯咖啡就最Perfect。Mocha有靚靚嘅拉花，咖啡味都幾香，餐廳選用朱古力去製作，所以朱古力同咖啡嘅味道都非常平衡。最後唔少得有香蕉蛋糕作為甜品，估唔到$33有咁大件！仲要香蕉味好清甜。