山洞食堂

營業中

休息中

餐廳位於SOUTHSIDE，裝潢型格，如同店名所說，好似入咗個山洞咁，座位闊落，空間感十足，無油煙味，而且仲係Pet Friendly添！食物方面主打多款韓式燒物，質素高，適合聚餐。宮牛盛包含和牛肋眼上蓋、和牛牛肋肉、極上牛小排、和牛外裙肉同埋和牛三筋肉，每款都有幾塊，唔怕爭住食，五款肉質不同，有嫩有咬口亦有牛味突出嘅，實有一款啱你口味。慶洲黑毛豬梅肉切有兩大塊，無論係厚度或肥瘦程序亦做得啱啱好，豬味香濃，啖啖肉好滿足。另外私心推介濟洲活鰻魚，燒至魚皮帶焦香，脆身，肉質爽口帶點彈性，鮮甜美味，點埋甜甜哋嘅鰻魚汁，令人一試難忘。主食有奶油肉醬年糕，中西合璧，呢個配搭都係第一次食，年糕好大塊而且偏硬，所以需要咀嚼一下，肉醬鹹香，值得一試。韓牛泡菜炒飯好大一碗，唔辣，老少咸宜，炒飯炒至粒粒分明，食完真係飽飽了。