Cuisine Culture

營業中

休息中

唔講唔知原來LKF都有間主打傳統法國菜嘅樓上私房菜，菜式多樣化，連紅白酒都有好多選擇，裝修行簡潔風，座落都幾舒適，令人感覺輕鬆，價錢合理，適合拍拖👫前菜有Lobster Bisque，湯頭香濃，鮮甜味突出，搭配脆身嘅麵包係絕配。Fig & Walnuts Salad份量比想像中多，新鮮沙律菜搭配無花果、調過味嘅合桃同大大粒甜番茄，十分開胃。食法國菜又點少得Duck Confit呀，鴨腿煮至入味，油香氣滿滿，肉質嫩滑唔乾，絲絲口感，配上用鴨油煎嘅薯仔同少量沙律菜，性價比高，果然係招牌菜，一點要點！Spaghetti有驚喜，以檸檬汁同橄欖油調味，淡淡香氣，唔油膩，麵條軟硬度適中，上面仲有大大粒又鮮甜嘅帶子，呢個size出面好少見。最後以Apple Pie作結，外層十分酥皮，上面有原片蘋果，配上雪糕，冰火交替，滿足嘅一餐。