影片
更多
2023-02-27
875 瀏覽
最近比車車發現左銅鑼灣E隱世西餐廳, 餐廳位於旺中帶靜嘅新會道, 上到樓打開門會見到中西合璧嘅裝潢, 感覺幾特別! 餐廳由米芝蓮星級廚師主理, 主打巴里 X法式私房菜! 首先會端上兩款唔同嘅自家製手工麵包,分別係檸檬味同蕃茄味, 配搭自家調味嘅檸檬牛油, 意大利香草蕃茄麵包用上Sundry tomato, 食起上嚟香脆鬆軟, 上面仲有蕃茄肉, 配搭同樣用上Sundry tomato整嘅蕃茄醬, 陣陣蕃茄味濃郁開胃, 法式多士口感軟綿, 好似蛋糕般嘅口感, 配上使用香港種植嘅有機樹上熟嘅檸檬製成嘅lemon lime butter, 清新開胃有驚喜, 簡單嘅麵包盤已經食得出廚師嘅心機! ⭐龍蝦濃湯招牌龍蝦湯入口濃稠順滑, 味道濃郁而且帶微微辛辣, 濃湯並無添加忌廉及蝦醬, 反而用上新鮮椰奶代替忌廉, 另加左澳洲有機牛油果慕絲同檸檬汁, 肉同皮, 食落帶點酸味, 令成個湯飲落唔會有膩感⭐蕃茄薄荷湯蕃茄湯共有4食, 入口味道濃郁, 香甜微酸嘅蕃茄味帶淡淡薄荷同煙燻味, 加入左basil oil令整個入面仲有蕃茄同蔬菜蓉, 增添口感, 非常開胃⭐冬蔭牛尾米粒意粉特別嘅冬陰牛尾, 食落去辣辣地好
首先會端上兩款唔同嘅自家製手工麵包,分別係檸檬味同蕃茄味, 配搭自家調味嘅檸檬牛油, 意大利香草蕃茄麵包用上Sundry tomato, 食起上嚟香脆鬆軟, 上面仲有蕃茄肉, 配搭同樣用上Sundry tomato整嘅蕃茄醬, 陣陣蕃茄味濃郁開胃, 法式多士口感軟綿, 好似蛋糕般嘅口感, 配上使用香港種植嘅有機樹上熟嘅檸檬製成嘅lemon lime butter, 清新開胃有驚喜, 簡單嘅麵包盤已經食得出廚師嘅心機!
⭐龍蝦濃湯
招牌龍蝦湯入口濃稠順滑, 味道濃郁而且帶微微辛辣, 濃湯並無添加忌廉及蝦醬, 反而用上新鮮椰奶代替忌廉, 另加左澳洲有機牛油果慕絲同檸檬汁, 肉同皮, 食落帶點酸味, 令成個湯飲落唔會有膩感
⭐蕃茄薄荷湯
蕃茄湯共有4食, 入口味道濃郁, 香甜微酸嘅蕃茄味帶淡淡薄荷同煙燻味, 加入左basil oil令整個入面仲有蕃茄同蔬菜蓉, 增添口感, 非常開胃
⭐冬蔭牛尾米粒意粉
特別嘅冬陰牛尾, 食落去辣辣地好惹味, 牛尾肉味濃郁, 口感軟腍入味, 一粒粒睇落去似Risotto嘅其實係意粉嚟, 意粉吸哂d味, 旁邊嘅蔬菜好細心地分開左煮, 保留原有口感
⭐牛油果鮮菇手工蛋意粉
Le Chefeteria嘅手工意粉即叫即做, 由麵團至切條全部可以親眼望住廚師係大石長枱親手製作, 成件事真係賞心悅目, 而且更加採用日本蛋香濃厚既蘭王蛋真係好有驚喜, 同樣係無芝士無忌廉, 今次係用上有機牛油果嘅油份, 檸檬, 羅勒, 慢煮蒜蓉, 巴馬臣芝士, 仲有羊肚菌去浸個味出嚟, 意粉口感彈牙, 每條意粉都沾滿醬汁, 入面仲有好多新鮮磨菇, 令口感更豐富, 非常清新
⭐油封鴨腿意大利飯
經過36小時慢煮同油封嘅鴨脾, 用返鴨本身嘅油分嚟煮, 外皮金黄色好香脆, 鴨肉色澤粉嫩, 口感嫩滑juicy, 帶微微煙燻味道 , 配上以自家製蕃茄醬煮成嘅意大利飯,充滿東南亞風味
⭐️香蕉煎餅
香蕉煎餅即點即做, 又可以睇到大廚表現嘅時間, 熱辣辣脆脆嘅餅皮嘅口感比平時食嘅更實在, 入面滿滿香蕉食落去香甜味美, 旁邊附上芒果同雜莓製成嘅果醬, 上面撒上紅菜頭碎做裝潢, 再配上一球雲呢拿雪糕, 冰火交融, 相當滋味
⭐️菠蘿金寶
蘋果金寶食得多, 菠蘿金寶係第一次食, 估唔到幾夾喎, 煮過嘅菠蘿甜甜酸酸, 上面嘅金寶脆脆係用上自家嘅法國多士烘乾而成的, 同英式做法唔同, 法式係唔會焗的, 所以食落去相對無咁膩, 另配上頂級法國品牌DAMMANN FRERES 嘅茶包, 入口帶淡淡清香嘅法國香水味道, 令人回味, 旁邊仲有一塊小曲奇, 即時幻想到係法國巴黎食afternoon tea嘅感覺
⭐️Cappuccino
意大利咖啡泡沫濃密細緻, 上面撒有自家磨製嘅玉桂粉, 啡香奶滑, 為整個豐富嘅午餐劃上完美嘅句號
張貼
