阿三大牌檔

營業中

休息中

如果想食到大牌檔口味，這裡當然就係我嘅首選，這裡晚市都很多人到來，地方大座位多，還有個開放位置，可以帶寵物一齊座！今晚就點了個超正必食椒鹽鮮魷，大大條煙韌彈牙鮮魷，鮮魷外面沾了一層香脆炸漿，加埋爆香了嘅香蒜粒，不論佐酒，送飯都十分出色！另外一個就係蜜椒薯仔牛柳粒，以健康三色椒炒香再加上入口酥軟咀嚼嫩滑軟熟牛柳炒，還加上蜜糖拌炒至黃金焦香，色香味俱全！而脆皮咕嚕豬頸肉，這款咕嚕肉唔係坊間用開嘅梅肉、豬腩肉製作，用上了更加肉嫩、肥而不膩，厚片嘅豬頸肉，炸到外脆內軟，配上香濃咕嚕汁，酸酸甜甜層次豐富，加埋青紅椒同菠蘿，同樣推介！魚香海皇豆腐煲，以熱燙燙嘅煲上枱，上面放滿了不同材料，有彈牙鮮魷片，爽口大蝦，大大隻帶子，還有彈牙爽口班片，加埋吸晒味道入口香滑嘅豆腐，放滿了整個煲內！口味十分有大牌檔風味，上菜又快，食物質素高，價錢合理相宜，絕對係街坊必食之選！