米泰 (圍方)

營業中

休息中

本身鄰居約去旅行，但係某啲原因搞唔成，跟住就就揀咗呢一間餐廳食飯。安排咗俾我哋坐卡位，卡位嗰裝潢好有泰國風情。本身睇餐牌諗住嗌個二人餐再散叫，但睇睇吓四人餐都相當抵食，就決定咗嗌四人餐。先嚟再泰式拼盤，蝦餅幾大呀，魚餅如果可以留番少少同埋加少少豆角落去會個口感豐富啲。炸豬皮就失色咗少少淋咗又奀皮。嗰一刻個心情沉沉會唔會瀨嘢呢？好彩淨係炸豬皮出事其他一切正常。個春卷唔會成口油，個香葉雞都好滑，一啲都唔嚡。另外個生蝦個辣汁超搶喉，成杯好似Shooter一口轟曬～爽爆！我哋都算係第二輪用餐，但係想嗌個款沙律已經show out，所以呢款木瓜絲沙律，並唔係自己心中上推介嘅。另外個海南雞唔算特別出眾，唔算好滑。個心突然又沉一沉，會唔會又炒車呢？ 跟住個紅咖喱軟殼蟹點薄餅好索汁，另外個香芒蟹肉炒飯啲芒果原來係用芒果乾個口感有少少特別，加埋啲紅咖喱都幾好食。椰菜苗就正正常常。另外，兩杯芒果同埋熱情果嘅特飲都幾清新，不過個杯酒比較難篤啲，因為又高又窄。食飯食到手有啲黐手，跟住問經理有冇濕紙巾，經理拿濕紙巾過嚟嘅時候，順便幫我哋每人開埋張紙巾，呢點超窩心。跟住最後想買甜品，香芒三色糯米飯有班蘭葉、蝶豆花