上海老家 (已結業)

今日阿女暑期活動遲咗返屋企🥲，接完佢之後馬上係屋企附近醫肚，今次就試下一直想試好耐嘅上海老家😆。餐廳地方唔大，但擺位唔逼，坐得好舒服🥰。餐牌📔選擇幾多而且價錢又十分親民🤗。萵荀涼拌海哲 $68萵荀鮮嫩爽脆，海哲爽口彈牙😋，作為前菜最適合不過🥰。上海炒年糕 $78年糕口感軟糯，嚼勁十足🥰，配菜有大白菜🥬、豬肉絲🐖、冬菇絲🍄等，加埋香濃醬油，相當惹味😋。片皮鴨半隻 $48(特價)而家只要係FB上追蹤上海老家專頁，Tag 2️⃣個朋友，再share個Post 就可以用特價$4️⃣8️⃣食到半隻片皮鴨🦆；片皮鴨皮肉分配均勻，皮厚帶油香，肉質軟嫩😋，配上秘製醬汁、青瓜條🥒、京葱絲，口感豐富🥰。總括而言，價錢大眾化，係大角咀平價上海菜之選。