个園竹語

營業中

休息中

抓緊大閘蟹尾巴，大閘蟹放題經常見，今次嘗試大閘蟹餐！🔸个語滬式四拼盤拼盤包括（蜜汁脆鱔、糖醋小排骨、四喜烤麩、煙燻糖心蛋）蜜汁脆鱔輕輕掛上蜜糖汁，爽脆清甜；煙燻糖心蛋淡淡燻香，正👍🏻不過糖醋小排骨略嫌有少許硬實，四喜烤麩一般🔸蟹粉蝦球燉蛋蝦球大隻爽口，燉蛋烹調時間剛好，非常鮮嫩，配上蟹粉一流！🔸鮮拆蟹粉燴魚翅真材實料，食到啖啖蟹肉同蟹粉🔸清蒸六両江蘇大閘蟹比較細隻，不過不失，但總感覺坊間買嘅可以更加鮮味～🔸脆皮安格斯牛肉起初諗住平平無奇，點知有驚喜！安格斯牛肉外脆內軟，牛肉軟腍🔸椒鹽原條小黃魚小黃魚酥脆，魚肉鮮嫩🔸蟹粉小籠包皮薄餡靚，蟹肉鮮肉非常鮮味又多汁！最晚之最！🔸紫薯薑茶湯圓薑湯芝麻湯圓，稍為奇怪加上紫薯😅總括🔹餐廳寬敞，環境唔錯。食品質素尚可，不過可能因為套餐關係，所有食物都好似早已準備好，上菜較快，食物溫度亦只是微暖。