影片
更多
2025-02-14
0 瀏覽
應友人邀約嚟天后「滾得棧」飲茶。印象中餐廳主打高質特色火鍋，原來午市有手工點心供應，當中更有不少創意之作，而且價錢非常大眾化，性價比極高。裝潢以淺棕色為主調，內在環境寬敞，座位闊落舒適，啱晒同親朋好友嚟聚餐。珍寶鮮蝦腸 ($38) 腸粉好滑身，每件入面都包著一隻新鮮爽彈嘅大蝦，蘸少少甜豉油食，味道一流。古早大糯米雞 ($38) 糯米雞非常大隻，入面嘅餡料好豐富，有鹹蛋黃、蝦米，叉燒，冬菇同雞肉等，糯米香軟入味，吃時充滿荷葉香氣。蜜味叉燒包 ($26) 包身好軟熟，入面嘅叉燒餡調校得啱啱好，鹹中帶甜，比例亦合心，味道不錯。鮮蝦萵筍餃 ($29) 餃皮厚薄適中，內裡裹滿白裡透紅嘅蝦肉同碧綠脆嫩嘅萵筍，入口彈牙多汁。黑松露蒸燒賣 ($26) 燒賣大大粒，面層鋪滿新鮮豬肉同彈牙蝦肉，加上黑松露作點綴，入口香氣濃郁。脆皮麥心小煎堆 ($28) 用小湯匙盛上，賣相精緻可愛。外層炸到好鬆脆，內裡包裹著香甜嘅麥提莎，味道甜而不膩，值得推介。甜品點了黃糖豆腐花 ($16) 豆腐花真係超級滑，而且好有豆香，配上脆脆嘅黃糖粉，兒時回憶返曬嚟。
應友人邀約嚟天后「滾得棧」飲茶。印象中餐廳主打高質特色火鍋，原來午市有手工點心供應，當中更有不少創意之作，而且價錢非常大眾化，性價比極高。
裝潢以淺棕色為主調，內在環境寬敞，座位闊落舒適，啱晒同親朋好友嚟聚餐。
珍寶鮮蝦腸 ($38) 腸粉好滑身，每件入面都包著一隻新鮮爽彈嘅大蝦，蘸少少甜豉油食，味道一流。
古早大糯米雞 ($38) 糯米雞非常大隻，入面嘅餡料好豐富，有鹹蛋黃、蝦米，叉燒，冬菇同雞肉等，糯米香軟入味，吃時充滿荷葉香氣。
蜜味叉燒包 ($26) 包身好軟熟，入面嘅叉燒餡調校得啱啱好，鹹中帶甜，比例亦合心，味道不錯。
鮮蝦萵筍餃 ($29) 餃皮厚薄適中，內裡裹滿白裡透紅嘅蝦肉同碧綠脆嫩嘅萵筍，入口彈牙多汁。
黑松露蒸燒賣 ($26) 燒賣大大粒，面層鋪滿新鮮豬肉同彈牙蝦肉，加上黑松露作點綴，入口香氣濃郁。
脆皮麥心小煎堆 ($28) 用小湯匙盛上，賣相精緻可愛。外層炸到好鬆脆，內裡包裹著香甜嘅麥提莎，味道甜而不膩，值得推介。
甜品點了黃糖豆腐花 ($16) 豆腐花真係超級滑，而且好有豆香，配上脆脆嘅黃糖粉，兒時回憶返曬嚟。
張貼
