HUSK (已結業)

和男友去行新商場，圓方內裏真的幾靚。當然要找嘢食，好多處都好多人，而且價錢都不太便宜，原諗住去吃food court，但見到husk有位咪走入去，但入到已覺不太對路，完全似一間food court要孖枱，張枱大到可以坐十幾人的方枱，想唔孖都幾難，無椅背坐得不太舒服。原本入到去都想走，但俾男友拉住話費事等位和食food court。入到去坐低，很自然要水，叫了多次，但待應話無免費水供應喎，因餐廳新未裝餾水器，祇有有氣和氣的蒸餾水，我心想咁凍飲用甚麼來沖的。我和男友兩人點了一客海南雞飯、一客炸蛋(忘了餐牌上的名字)，仲有飲品薑啤(侍應話不是酒來的)，雞都ok雖雞味不濃但滑，醬汁選擇也很多，蛋也很好吃甜甜辣辣的不錯。吃完完全不飽叫多一碟抄粉，都幾有趣可以自己加糖、蒜、辣椒，試均不同味我覺得落糖最好吃。看完食評後，我慶幸我當天點的全是推介菜式，所以味道不也致太差，而且某部份在水準之上(炸蛋)。總結來說，餐廳的食物雖不致令人十分滿意，但醬料選擇豐富，付合一些貪新鮮的人。但份量十分小，價錢略貴，我們兩人再點多一客抄粉後仍不覺飽。還有餐廳雖雖新開，但碗碟已有崩口的情況，不提供水予客人實屬不方便之舉。