影片
更多
2024-06-17
371 瀏覽
見到佢嘅時令菜單都幾開胃吸引 呢日就帶咗爸爸嚟試佢嘅「夏遇良食」推介😝 「龍寶珍品」 磯煮鮑魚 現凡做足指定條件 就可以每位獲贈一隻免費嘅「龍寶珍品」 磯煮鮑魚😻 呢個咁精緻嘅鮑魚好有氣勢 好似騰雲駕霧咁樣上碟🫢 鮑魚炆得好腍 好入味 睇晒成篇文就唔會錯過呢一個免費嘅鮑魚啊😗芝士拉絲炸蜜瓜奶呢一個前菜係一個好新穎嘅配搭 香脆嘅外層配上入面滑溜嘅蜜瓜奶 仲加上有少少嘅芝士 所以一咬開有啲輕微嘅拉絲效果🧀杏汁菜膽燉白肺呢一個湯品爸爸非常滿意 因為唔係間間餐廳都會有 而且餐廳呢一個嘅燉湯非常足料 入面有豬肺 豬肉 原粒嘅瑤柱 白菜🥬 整個湯味道唔會好鹹 但係有瑤柱帶出個鮮味 又唔會有豬肺嘅內臟味黃瓜花雞樅菌炒豬頸肉呢次係我第一次食黃瓜花 呢啲比手指更幼嘅黃瓜花口感好特別 食落有啲脆口 又有黃瓜嘅清香🥒 呢一碟餸幾惹味 豬頸肉幾大片同埋食落口幾爽🐷南乳炸雞件媽咪就最鍾意呢碟 首先擺盤都好精緻 用一個籃咁樣上呢個炸雞件🐥 南乳醃呢個雞醃得好入味 炸到外脆內軟入面仲有好多肉汁 另外仲有啲炸紫蘇葉 脆卜卜咁令到個南乳炸雞件更有風味魚滑野菌浸勝瓜呢個絕對係健康之選 入面所有嘅材料主要係一啲新鮮嘅蔬果
見到佢嘅時令菜單都幾開胃吸引 呢日就帶咗爸爸嚟試佢嘅「夏遇良食」推介😝 
「龍寶珍品」 磯煮鮑魚
現凡做足指定條件 就可以每位獲贈一隻免費嘅「龍寶珍品」 磯煮鮑魚😻 呢個咁精緻嘅鮑魚好有氣勢 好似騰雲駕霧咁樣上碟🫢 鮑魚炆得好腍 好入味 睇晒成篇文就唔會錯過呢一個免費嘅鮑魚啊😗
芝士拉絲炸蜜瓜奶
呢一個前菜係一個好新穎嘅配搭 香脆嘅外層配上入面滑溜嘅蜜瓜奶 仲加上有少少嘅芝士 所以一咬開有啲輕微嘅拉絲效果🧀
杏汁菜膽燉白肺
呢一個湯品爸爸非常滿意 因為唔係間間餐廳都會有 而且餐廳呢一個嘅燉湯非常足料 入面有豬肺 豬肉 原粒嘅瑤柱 白菜🥬 整個湯味道唔會好鹹 但係有瑤柱帶出個鮮味 又唔會有豬肺嘅內臟味
黃瓜花雞樅菌炒豬頸肉
呢次係我第一次食黃瓜花 呢啲比手指更幼嘅黃瓜花口感好特別 食落有啲脆口 又有黃瓜嘅清香🥒 呢一碟餸幾惹味 豬頸肉幾大片同埋食落口幾爽🐷
南乳炸雞件
媽咪就最鍾意呢碟 首先擺盤都好精緻 用一個籃咁樣上呢個炸雞件🐥 南乳醃呢個雞醃得好入味 炸到外脆內軟入面仲有好多肉汁 另外仲有啲炸紫蘇葉 脆卜卜咁令到個南乳炸雞件更有風味
魚滑野菌浸勝瓜
呢個絕對係健康之選 入面所有嘅材料主要係一啲新鮮嘅蔬果 再配上彈牙嘅鯪魚肉🐟 主要有勝瓜同埋番茄嘅味道比較突出 仲配埋雲耳同埋金菇等等
海皇泡飯
呢一個泡飯好抵食 夠我哋四個人食 入面嘅材料都好豐富 有瑤柱 蝦肉 帶子 冬菇粒 翠玉瓜粒 芹菜 芫荽同酸菜😗 真係食到入面嘅鮮甜味 配埋有啲蔬果 就更加可以達致均衡飲食喇
只要即場做會員同like 社交平台就可免費享用 每位一隻「龍寶珍品」--磯煮鮑魚 快啲同家人朋友一齊嚟啦🤣
張貼
