禾稈草主題餐廳 (已結業)

放假先尼落雨，想去行山又去唔到，唯有去附近搵食啦。這間位於柏樹街及基隆街交界的禾稈草餐廳，其實已經開業了一段時間，多次經過都未曾嘗試，今日決定入去試下。餐廳的裝條主要以黑色為主，地方寬敞，座位舒適。午市除了有午餐外，還有煲仔飯及小菜等。例湯-冬瓜紅蘿蔔雞腳豬骨湯我估佢應該係有咩放咩落去煲，樣樣都有一點，湯都算鮮甜，最重要係無加味精，值得一讚。蝦醬西蘭花炒鮮魷西蘭花翠綠爽脆，吸收了蝦醬的咸鮮味，而鮮魷炒得爽韌且新鮮，裏面加了些薑絲及辣椒絲去除蝦醬本身的腥味，令整體更鮮更香，配飯簡直一流。鮑魚滑雞煲仔飯煲仔飯即叫即做，所以費時，等了大既20分鐘終於上枱，煲仔飯熱辣辣，表面舖滿了雞件及冬菇，還有切片的鮑魚，但重點卻是白飯，白飯吸收了雞件及冬菇的味道，有雞油的甘香同時飯粒爽口，飯底有一層香脆的飯焦，即香且脆，而且整個飯都不會油淋淋，絕對有驚喜。黑椒雜菌牛柳粒牛柳粒應該是先走油後最後放入去一齊炒，感覺上比較油膩，西芹炒得爽脆，雜菌不多反而牛柳粒更多，個人覺得味道不及蝦醬鮮魷好味。整體而言，煲仔飯是必試之一，小食菜類夠鑊氣，味道不俗，份量十足，午晚市價錢一樣，所以晚市非常抵食。