影片
更多
2024-09-08
177 瀏覽
居然俾我喺太子搵到呢間超高性價比嘅小店，一定要推薦俾大家 。就咁睇餐廳名會以為佢淨係食粥麵，但係其實呢間小店係有夢王蛋嘅菜式㗎🥚我同友人就叫咗個超值花膠二人餐夢王和牛丼夢王系列係舖頭嘅新出品，呢個丼飯有鹿兒島頂級A5和牛同埋夢王蛋，呢個完美組合真係值得大家嚟試吓。和牛片嘅油脂感好豐富，所以入口好嫩滑🐮 夢王蛋就有唔同嘅烹煮方法，我哋揀咗店舖最推介嘅生蛋，因為撈飯會比較美味🍳 鮑汁冬菇花膠撈關廟麵呢個係舖頭嘅人氣產品，見到好多食客都係嚟捧呢個場🤣 一份冬菇花膠嘅配料都幾多，鮑汁又夠晒膠質，呢個價錢真係性價比好高☺️ 呢度連台灣嘅關廟麵都有，用嚟撈麵真係唔錯，比較掛汁。小食二人餐中包括咗小食，小食可以雙拼，啱晒三心兩意嘅我呀。店員推介炸蜆蚧鯪魚球，冇諗過會咁大粒，質感仲好唔錯添🐟 另一款係炸墨魚餅，墨魚餅夠晒彈牙，配上泰式雞醬🦑瑤柱上湯蘿蔔個人覺得呢個係必叫之選，上湯蘿蔔非常清甜，仲煲得好軟腍，係一個好幸福嘅味道😊 加上配咗少少薑絲同埋瑤柱，更加可以提鮮。飲品呢度嘅飲品冷熱同價，連自家鮮製涼茶都唔洗額外加錢😮 我哋揀咗去濕茶，有微糖或者無糖兩款選擇，比較健康😎 另外嗌咗杯港式風味嘅凍奶茶，凍
居然俾我喺太子搵到呢間超高性價比嘅小店，一定要推薦俾大家 。就咁睇餐廳名會以為佢淨係食粥麵，但係其實呢間小店係有夢王蛋嘅菜式㗎🥚我同友人就叫咗個超值花膠二人餐
夢王和牛丼
夢王系列係舖頭嘅新出品，呢個丼飯有鹿兒島頂級A5和牛同埋夢王蛋，呢個完美組合真係值得大家嚟試吓。和牛片嘅油脂感好豐富，所以入口好嫩滑🐮 夢王蛋就有唔同嘅烹煮方法，我哋揀咗店舖最推介嘅生蛋，因為撈飯會比較美味🍳
鮑汁冬菇花膠撈關廟麵
呢個係舖頭嘅人氣產品，見到好多食客都係嚟捧呢個場🤣 一份冬菇花膠嘅配料都幾多，鮑汁又夠晒膠質，呢個價錢真係性價比好高☺️ 呢度連台灣嘅關廟麵都有，用嚟撈麵真係唔錯，比較掛汁。
小食
二人餐中包括咗小食，小食可以雙拼，啱晒三心兩意嘅我呀。店員推介炸蜆蚧鯪魚球，冇諗過會咁大粒，質感仲好唔錯添🐟 另一款係炸墨魚餅，墨魚餅夠晒彈牙，配上泰式雞醬🦑
瑤柱上湯蘿蔔
個人覺得呢個係必叫之選，上湯蘿蔔非常清甜，仲煲得好軟腍，係一個好幸福嘅味道😊 加上配咗少少薑絲同埋瑤柱，更加可以提鮮。
飲品
呢度嘅飲品冷熱同價，連自家鮮製涼茶都唔洗額外加錢😮 我哋揀咗去濕茶，有微糖或者無糖兩款選擇，比較健康😎 另外嗌咗杯港式風味嘅凍奶茶，凍飲都唔駛加錢，真係夏天嚟就啱晒😍
成餐食咗咁多樣嘢都只係$170，真係超級抵食，睇Menu嘅時候見到有個午市套餐只係$39咋，真係逆市街坊價🤩 咁抵嘅小店要大大力支持啊💪🏻
張貼
