新藍塘餐廳麵包公司 (已結業)

今早諗住試下舊式餅店嘅早餐，入到去環境唔係咁討好，點咗份早餐A～火腿通加煎蛋多士及凍檸茶。先講賣相，件多士灰色嘅😦，煎蛋又起晒窿，但檸檬茶嘅顏色又幾靚喎味道方面，通粉中規中矩，多士難食仲有少少燶添，煎蛋太老，諗住凍檸茶可以加返分啦，的確係茶味香濃，可惜無甜味，本來可以叫佢加糖水，但已經食到無乜心機，所以goo goo聲飲晒算。埋單價錢都好合理，26蚊可以喺西半山食到份早餐。