芭堤雅小廚

營業中

休息中

去完慈山寺，同屋企人去咗大尾督食個下午茶。其實不嬲都覺得呢間都好食，所以帶兩老去試下。行到熱死辣辣，梗係嗌凍嘢飲，個龍眼冰唔太甜幾好。本來想嗌辣肉碎炒飯，但係佢話已經售罄。咁樣兩老就嗌咗湯檬，我就要咖喱雞扒飯試吓。豬頸肉同埋香茅豬扒都表現正常，點知我個咖喱雞扒你嘅時候，實在太恐怖，佢竟然有雜豆。同埋食得開個雞扒係「梅梅」哋，塊皮又唔脆。個咖喱汁係正常偏甜，但係唔熱。下次穩陣起見都係食返海南雞或者豬手飯。