影片
更多
2024-08-16
829 瀏覽
⭐️芝芝桃桃🍑超級鍾意佢個奶蓋，成寸咁厚，飲起上嚟勁爽😋飲完個奶蓋先知，原來下面係滿滿嘅桃肉，好正，鍾意桃嘅一定要試吓～～～⭐️髒髒黑糖珍珠鮮奶🧋佢嘅掛杯整得好靚，滿滿嘅可可粉，中和番黑糖嘅甜味❤️一開始冇用飲管，雖然飲得比較狼狽，飲完成嘴黑晒🤣但飲得好開心，因為原來佢側邊全部都係奶蓋不過佢嘅黑糖珍珠相對較甜，鍾意飲甜嘢嘅應該幾鍾意呢杯～～～⭐️慢煮西班牙八爪魚配蕃茄蒜蓉扁意粉🍝🐙扁意粉煮得啱啱好，最怕意粉煮得太硬或者太淋🥺而且佢嘅醬汁有滿滿嘅蒜蓉粒，好香蒜香味，但又唔會太過喧賓奪主，唔會蓋過八爪魚嘅味道～～～第一次試慢煮嘅巨型八爪魚🐙口感好特別，肉嫩得來唔似生食有咁多根，亦都唔似外邊熟食咁韌～～～⭐️風乾德國脆豬手配薯角（芥末蜜糖醬）薯角好香脆，薄薄一層脆皮，而且佢厚薄適中～～～風乾過嘅豬手，竟然係皮脆肉嫩，一啲都唔嚡口，而且中間嘅油脂好少，唔會好油膩嘅感覺～～～另外因為佢原隻上，所以可以保存住豬手嘅肉汁，好嫩滑，好好食😋佢焗嘅溫度同時間啱啱好，唔會皮肉分離，都唔會過熟有陣燶味～～～⭐️朱古力蛋捲呢度嘅甜品真係好靚，忍唔住鼓起勇氣問吓店員，先知原來佢哋喺特登聘請酒店嘅廚師過嚟整，唔怪得咁靚啦💖～
超級鍾意佢個奶蓋，成寸咁厚，飲起上嚟勁爽😋飲完個奶蓋先知，原來下面係滿滿嘅桃肉，好正，鍾意桃嘅一定要試吓
～～～
⭐️髒髒黑糖珍珠鮮奶🧋
佢嘅掛杯整得好靚，滿滿嘅可可粉，中和番黑糖嘅甜味❤️一開始冇用飲管，雖然飲得比較狼狽，飲完成嘴黑晒🤣但飲得好開心，因為原來佢側邊全部都係奶蓋
不過佢嘅黑糖珍珠相對較甜，鍾意飲甜嘢嘅應該幾鍾意呢杯
～～～
⭐️慢煮西班牙八爪魚配蕃茄蒜蓉扁意粉🍝🐙
扁意粉煮得啱啱好，最怕意粉煮得太硬或者太淋🥺而且佢嘅醬汁有滿滿嘅蒜蓉粒，好香蒜香味，但又唔會太過喧賓奪主，唔會蓋過八爪魚嘅味道
～～～
第一次試慢煮嘅巨型八爪魚🐙口感好特別，肉嫩得來唔似生食有咁多根，亦都唔似外邊熟食咁韌
～～～
⭐️風乾德國脆豬手配薯角（芥末蜜糖醬）
薯角好香脆，薄薄一層脆皮，而且佢厚薄適中
～～～
風乾過嘅豬手，竟然係皮脆肉嫩，一啲都唔嚡口，而且中間嘅油脂好少，唔會好油膩嘅感覺
～～～
另外因為佢原隻上，所以可以保存住豬手嘅肉汁，好嫩滑，好好食😋佢焗嘅溫度同時間啱啱好，唔會皮肉分離，都唔會過熟有陣燶味
～～～
⭐️朱古力蛋捲
呢度嘅甜品真係好靚，忍唔住鼓起勇氣問吓店員，先知原來佢哋喺特登聘請酒店嘅廚師過嚟整，唔怪得咁靚啦💖
～～～
食落去就知佢唔係得個樣，蛋捲有好濃郁嘅朱古力味，入面嘅朱古力cream唔似出面咁鬆散，有一定嘅質感，蛋糕鬆軟可口
不過佢用作擺滿嘅士多啤梨真係好酸🫠
～～～
⭐️ New York cheesecake
同朱古力蛋捲一樣，佢嘅味道都好濃郁，而且佢落咗檸檬皮，令到芝士蛋糕冇咁漏
～～～
雖然佢味道做得好好，食落去都好綿密，不過蛋糕比較易散，用叉拮落去好易散開，食得比較狼狽
～～～
溫馨提示：用餐時間1.5小時，每人最低消費$100
$540
6 瀏覽
0 讚好
0 留言
張貼
