Mint & Basil (海堤灣畔)

營業中

休息中

就快新年，諗住去東涌outlet買下新衫，之後見到呢間餐廳有好多好評，咁就特登行過嚟試吓啦。雖然呢度outlet要行大約5分鐘，但係一嚟到已經知道自己嘅選擇冇錯。呢度有分室內同埋outdoor嘅位置，佢嘅outdoor位置真係同喺芭堤雅嘅一樣，環境好好，而且職員嘅服務態度都好好。首先我哋就叫咗個冬陰功麵，估唔到佢食落唔係好辣，但係好香，同喺泰國食嘅差唔多，而且有好多海鮮，最驚喜嘅係隻蝦竟然好大隻，比平時泰國餐廳食嘅冬陰功好食好多。另外我哋仲叫咗呢個咖喱魚，一上枱估唔到佢份量咁多，而且咖喱唔算太辣，但小朋友都食得。佢嘅魚肉好嫩滑，襯埋印度薄餅食真係一流。呢間餐廳最特別嘅係佢可以食印度嘢同埋泰國嘢，可以啱晒想食唔同嘢嘅朋友，真係好適合一大班朋友聚會。因為今日食嘅時間太早，我諗呢度夜晚應該更加靚，好適合影相。呢間餐廳又靚，而且價錢實惠，職員嘅服務態度仲好好添。我哋走嘅時候見到好多外國人都喺度飲緊酒，有興趣嚟影相嘅話就可以嗌一杯酒就可以影到好靚嘅相啦，好推薦大家嚟試吓。